திருச்சி மாவட்டம் துறையூர் அருகே அம்மம்பாளையத்தை சேர்ந்தவர் லட்சுமணன். இவருக்கு மகள் முத்துலட்சுமி(21), மகன் குணசேகரன்(17) உள்ளனர். முத்துலட்சுமி திருமணமாகி எட்டுமாதம் கர்ப்பிணியாக உள்ளார். குணசேகரன் 12ஆம் வகுப்பு முடித்துவிட்டு கல்லூரியில் சேருவதற்காக காத்திருந்தார். பிரசவத்திற்காக முத்துலட்சுமி அம்மம்பாளையத்தில் உள்ள தாய் வீட்டிற்கு வந்திருந்தார்.
இந்நிலையில் இன்று மாலை தம்பி குணசேகரனுடன் முத்துலட்சுமி ஆடு மேய்ப்பதற்காக வயல்வெளிக்கு சென்றார். அப்போது திடீரென மழை பெய்துள்ளது. இதையடுத்து இருவரும் அங்கிருந்த தகரக் கொட்டகையில் ஒதுங்கி நின்றனர். அப்போது பயங்கரமான இடியுடன் கூடிய மின்னல் இருவரையும் தாக்கியது. இதில் இருவரும் பரிதாபமாக உயிரிழந்தனர்.
சபதம் கேட்டு குடும்பத்தினரும், ஊர் மக்களும் அலறி அடித்துக்கொண்டு வயல்வெளிக்கு ஓடிச்சென்று பார்த்தபோது, இருவரும் சடலமாக கிடந்தனர். சம்பவ இடத்திற்கு வந்த துறையூர் காவல்துறையினர், உடல்களை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும் இதுகுறித்து வழக்கு பதிவு செய்து விசாரணை மேற்கொண்டுவருகின்றனர்.
