திருச்சி மத்திய பேருந்து நிலையம் அருகே உள்ள கலையரங்கத்தில் மாநகராட்சி சார்பில் குப்பையில் இருந்து இயற்கை உரம் தயாரிக்கும் உபகரணங்களின் கண்காட்சி இன்று தொடங்கியது. இதில் வீடுகள், நிறுவனங்களில் தினமும் உற்பத்தியாகும் மக்கும் குப்பைகளிலிருந்து இயற்கை உரம் தயாரிக்க சிறிய அளவிலான உபகரணம் முதல் பெரிய வகையிலான உபகரணம் வரை இந்த கண்காட்சியில் இடம் பெற்றுள்ளது.
குப்பையிலிருந்து உரம் தயாரிக்கும் உபகரண கண்காட்சி
இந்த கண்காட்சியை மாநகராட்சி ஆணையர் ரவிச்சந்திரன் தொடங்கி வைத்தார். மேலும் பள்ளி மாணவ - மாணவிகள் பலர் ஆர்வமுடன் கலந்துகொண்டனர். இன்று முதல் மூன்று நாட்களுக்கு இந்தக் கண்காட்சி நடைபெற இருக்கிறது.
