திருச்சி: சென்னையில் இருந்து தனியார் சொகுசு பேருந்து ஒன்று 54 பயணிகளுடன் திருச்சி நோக்கி சென்றுக் கொண்டிருந்தது. இன்று அதிகாலை திருச்சி மணிகண்டம் அருகே ஓட்டுநரின் கட்டுப்பாட்டை இழந்த பேருந்து சாலையோர பள்ளத்தில் கவிழ்ந்தது.
இந்த விபத்தில் 4 பயணிகள் படுகாயமடைந்தனர். அவர்களை மீட்ட பொதுமக்கள் ஆம்புலன்ஸ் மூலம் மருத்துவமனைக்கு அனுப்பி வைத்தனர்.
விபத்து குறித்து அறிந்து சம்பவ இடத்திற்கு வந்த மணிகண்டம் போலீசார், போக்குவரத்தை ஒழுங்குப்படுத்தியதோடு, விபத்து குறித்து வழக்குப்பதிவு செய்து விசாரணை நடத்தி வருகின்றனர்.
இதையும் படிங்க: சேது சமுத்திர திட்டத்திற்காக கிளர்ச்சி - கி.வீரமணி அழைப்பு
