திருச்சி மாவட்டம் துறையூர் அருகே உள்ள எரகுடி கிராமத்தைச் சேர்ந்தவர் விவசாயி சங்கர் (50). பாஜக தொண்டரான இவர் எரகுடி விவசாய சங்க தலைவராக இருக்கிறார். இவருக்கு பானுமதி (40) என்ற மனைவியும் தீபா என்ற மகளும், சதீஷ்குமார், சூர்யா ஆகிய இரண்டு மகன்களும் உள்ளனர்.
சங்கர் சிறுவயது முதலே பிரதமர் நரேந்திர மோடியின் தீவிர பற்றாளராக இருந்துவருகிறார். அவர் தனது சொந்த செலவில் மோடிக்கு கோயில் கட்டி, சிலை வைத்து வழிபட வேண்டும் என விரும்பியுள்ளார். ஆனால், விவசாயத்தில் போதிய வருமானம் கிடைக்காததால் கோயில் கட்ட முடியவில்லை.
தற்போது, விவசாயத்தில் கிடைத்த ஓரளவு பணத்தைக் கொண்டு, கோயில் கட்டும் பணியை கடந்த எட்டு மாதங்களுக்கு முன்பு தொடங்கி தற்போது முடித்துவிட்டதாகவும் கட்சியின் மூத்த தலைவர்களை கொண்டு கும்பாபிஷேகம் செய்ய வேண்டும் என்பதே லட்சியம் எனவும் அவர் தெரிவித்துள்ளார். கட்சியையும் தாண்டி பிரதமர் மோடி ஒரு நல்ல மனிதர் ஆவார். அவர் கொள்கையால் ஈர்க்கப்பட்டு இந்த கோயிலை கட்டி உள்ளதாக சங்கர் தெரிவித்துள்ளார்.
இதையும் படிங்க: எம்ஜிஆர் - ஜெயலலிதாவுக்கு கோயில் கட்டி வழிபடும் ‘அதிமுக’ பக்தர்!
