தமிழ்நாடு முழுவதும் நேற்று ஒரே நாளில் 4 ஆயிரத்து 496 பேர் கரோனாவால் பாதிக்கப்பட்டும், 68 பேர் சிகிச்சை பலனின்றி உயிரிழந்துள்ளனர். இதன்மூலம் தமிழ்நாட்டில் வைரஸால் பதிக்கப்பட்டோரின் எண்ணிக்கை ஒரு லட்சத்து 51 ஆயிரத்து 820 ஆகும்.
அந்த வகையில் திருச்சி மாவட்டத்தில் நேற்று ஒரே நாளில் 99 பேருக்கு கரோனா உறுதி செய்யப்பட்டுள்ளது. இதில் வெளியூரைச் சேர்ந்த 9 பேர் கரோனா தொற்றுடன் மருத்துவமனைகளில் அனுமதிக்கப்பட்டுள்ளனர். இதன்மூலம் மாவட்டத்தில் கரோனாவால் பாதிக்கப்பட்டவர்களின் எண்ணிக்கை 1,814 ஆக அதிகரித்துள்ளது.
அதேசமயம், மாவட்டத்தில் நேற்று ஒரே நாளில் 56 பேர் பூரண குணமடைந்து வீடு திரும்பியுள்ளனர். மேலும் மாவட்டத்தில் உயிரிழந்தவர்கள் எண்ணிக்கை 27ஆக உள்ளது.
