குடியுரிமை திருத்தச் சட்டத்தை மத்திய அரசு நாடாளுமன்றத்தில் அண்மையில் நிறைவேற்றியது. இச்சட்டம் நிறைவேறியது முதல் இன்று வரை இதற்கு எதிர்ப்பு தெரிவித்து போராட்டங்கள், ஆர்ப்பாட்டங்கள் பல இடங்களில் நடைபெற்று வருகிறது.
இது ஒருபுறம் இருந்தாலும் இச்சட்டத்திற்கு ஆதரவளித்து பாரதிய ஜனதா கட்சியின் சார்பிலும் பல இடங்களில் பேரணி நடைபெற்று வருகிறது.
இந்நிலையில், திருச்சியில் பாஜக சார்பில் குடியுரிமை திருத்தச் சட்டத்தை ஆதரித்து பேரணி நடைபெற்றது. இதில், அகில இந்திய பொதுச்செயலாளர் ரா மாதவ், இல. கணேசன், நடிகை கௌதமி உள்ளிட்ட மாநில நிர்வாகிகள் பலர் கலந்துகொண்டனர்.
இந்தப் பேரணிகளில் பல மாவட்டங்களைச் சேர்ந்த பாரதிய ஜனதா கட்சியினர் தேசியக் கொடியுடனும், பாரதிய ஜனதா கட்சி கொடியுடன் கலந்துகொண்டனர்.
குடியுரிமை திருத்தச் சட்டத்தை ஆதரித்து பாஜக சார்பில் பேரணியில் செய்தியாளர்களை சந்தித்த இல.கணேசன்!
