குடியரசு துணைத் தலைவர் வெங்கையா நாயுடு பல்வேறு நிகழ்ச்சிகளில் பங்கேற்பதற்காக 15 நாள்கள் பயணமாகக் கடந்த நவம்பர் 17ஆம் தேதி சென்னை வந்தடைந்தார். அப்போது ஆளுநர் பன்வாரிலால் புரோஹித், முதலமைச்சர் திரு எடப்பாடி பழனிசாமி மற்றும் அலுவலர்கள் வரவேற்றனர்.
சென்னை ஆளுநர் மாளிகையில் நவம்பர் 19 ஆம் தேதி நடைபெற்ற தண்ணீர் பாதுகாப்பு உறுதிமொழி நாள் நிகழ்ச்சியிலும், 20 ஆம் தேதி நடைபெற்ற பள்ளிகள் மற்றும் கிராமங்கள் போன்ற அடிப்படை நிலைகளில் பருவநிலை மாற்றத்தால் ஏற்படும் விளைவுகளைக் கட்டுப்படுத்துவது தொடர்பான விழிப்புணர்வு நிகழ்ச்சியிலும் அவர் பங்கேற்றார்.
இந்நிலையில் நேற்று துணை ஜனாதிபதி வெங்கையா நாயுடு ராஜ்பவன் ஆளுநர் மாளிகையில் தமிழ்நாடு ஆளுநர் பன்வாரிலால் புரோஹித் சந்தித்துப் பேசியதாகத் தகவல் வெளியாகியுள்ளது.
லால் பகதூர் சாஸ்திரி விருது விழாவில் இன்று அவர் கலந்து கொள்கிறார். இதையடுத்து வரும் 30 ஆம் தேதி குரு பூர பண்டிகையை முன்னிட்டு சென்னை குருத்வாராவில் நடைபெறும் நிகழ்ச்சியில் அவர் பங்கேற்கிறார்.
பின்னர் டிசம்பர் 2ஆம் தேதி இந்திய விமானப்படை விமானம் மூலம் குடியரசுத் துணைத் தலைவர் வெங்கையா நாயுடு டெல்லி திரும்புகிறார்.
