திருமூர்த்தி அணையிலிருந்து பாசனத்திற்கு தண்ணீர் திறப்பு!

திருப்பூர்: திருமூர்த்தி அணையிலிருந்து நான்காம் மண்டல பாசனத்திற்கு இன்று தண்ணீர் திறந்து விடப்பட்டுள்ளது. இதை கால்நடை பராமரிப்புத் துறை அமைச்சர் உடுமலை ராதாகிருஷ்ணன் திறந்து வைத்தார்.

திருப்பூர் மாவட்டம் உடுமலைப்பேட்டை அருகில் அமைந்திருக்கும் திருமூர்த்தி அணையிலிருந்து நான்காம் மண்டல பாசனத்திற்கு தண்ணீர் திறந்து விடப்பட்டுள்ளது.

இதன் மூலம் திருப்பூர், கோவை மாவட்டங்களிலுள்ள 94 ஆயிரம் ஏக்கர் நிலங்கள் பாசன வசதி பெறுகின்றன.

கடந்த ஆகஸ்ட் மாதம் நான்காம் மண்டல பாசனத்திற்கு தண்ணீர் திறந்து விடப்படும் என எதிர்பார்க்கப்பட்ட நிலையில் பருவமழை தாமதம் காரணமாக இம்மாதம் 26ஆம் தேதி தண்ணீர் திறக்க விவசாயிகள் ஆலோசனைக் கூட்டத்தில் தமிழக அரசுக்கு பரிந்துரை செய்யப்பட்டது.

இந்நிலையில் இன்று காலை நான்காம் மண்டல பாசனத்திற்கு தண்ணீர் திறந்து விடப்பட்டுள்ளது. இதை அமைச்சர் உடுமலை ராதாகிருஷ்ணன் திறந்து வைத்தார். இதில் திருப்பூர் மாவட்ட ஆட்சியராக பொறுப்பேற்றுக்கொண்ட விஜய கார்த்திகேயன் கலந்துகொண்டார்.

இதையும் பாருங்க: