கடந்த 21ஆம் தேதி திருப்பூர் மாவட்ட போக்குவரத்துப் பணிமனை இரண்டாவது மண்டலத்தில் நடத்துநர்கள் பயணிகள் தரும் பத்து ரூபாய் நாணயங்கள் வாங்குவதை முடிந்தவரை தவிர்க்குமாறு சுற்றறிக்கை ஒட்டப்பட்டிருந்தது.
இந்த சுற்றறிக்கை சமூக வலைதளங்களில் வைரலாகபரவியது. மேலும், பொதுமக்கள் மத்தியில் 10 ரூபாய் நாணயங்களை பயன்படுத்துவது குறித்த சந்தேகம் ஏற்பட்டது. எனவே, பொதுமக்களிடையே குழப்பத்தை உண்டாக்கிய அந்த சுற்றறிக்கை இன்று திரும்பப்பெறப்பட்டது.
இது குறித்து திருப்பூர் போக்குவரத்துப் பணிமனை இரண்டாவது மண்டல மேலாளர் தனபால் கூறும்போது, ’வங்கியில் பணம் செலுத்தும்போது பத்து ரூபாய் நாணயங்களால் இடையூறுகள் ஏற்பட்டன. அதனைத் தவிர்க்க திருப்பூர் மாவட்ட போக்குவரத்து இரண்டாவது மண்டல பணிமனையில் சுற்றறிக்கை ஒட்டப்பட்டிருந்தது. ஆனால் அச்சுற்றறிக்கை பொதுமக்களிடம் குழப்பத்தை ஏற்படுத்தியதால் திரும்பப் பெறப்பட்டது’ என்றார்.
