திருப்பூர் கே.வி.ஆர். நகரைச் சேர்ந்தவர் மருதுபாண்டி(33). பனியன் தொழிலாளியான இவர், நேற்றிரவு 9 மணிக்கு வீட்டை விட்டு வெளியில் சென்றுள்ளார். ஆனால், விடியும் வரை வீட்டுக்கு அவர் திரும்பவில்லை எனக் கூறப்படுகிறது. இந்த நிலையில், மருதுபாண்டி வசிக்கும் அதே பகுதியில் அமைந்துள்ள மாநகர் நல மைய வளாகத்தில், அவரது உடல் கிடந்ததைக் கண்ட அப்பகுதி மக்கள், அவரது வீட்டுக்கு தகவல் தெரிவித்தனர்.
தகவலறிந்து சம்பவ இடத்திற்கு வந்த காவல் துறையினர் சோதனை செய்ததில், மருதுபாண்டி அடையாளம் தெரியாத நபர்களால் கல்லால் அடித்துக் கொலை செய்யப்பட்டுள்ளார் என்பது தெரிய வந்தது.
மேலும் கல்லால் அடித்ததால் அவரின் உடல் முழுவதும் சிதைந்துள்ளதும் கண்டறியப்பட்டுள்ளது. இதையடுத்து காவல் துறையினர் மருதுபாண்டி உடலைக் கைப்பற்றி, அவரைக் கொலை செய்த நபர்களைத் தேடி வருகின்றனர்.
இதையும் படிங்க: கரூரில் எரிந்த நிலையில் ஆண் உடல் கிடந்த சம்பவம்: தாய், மகன் கைது!
