திருப்பத்தூர்: வாணியம்பாடி அடுத்த சங்கராபுரத்தை சேர்ந்தவர் யுவராஜ். இவரும், கணவாய் புதூரை சேர்ந்த திருமலையும் சுந்தர் என்பவருக்கு சொந்தமான இருசக்கர வாகனம் பழுது பார்க்கும் கடையில் பணிபுரிந்து வருகின்றனர். இருவரும் நண்பர்கள் என்பதால் கடந்த 21ஆம் தேதியன்று தமிழ்நாடு - ஆந்திரா எல்லை பகுதியிலுள்ள புல்லூர் தடுப்பணைக்குச் சென்றுள்ளனர்.
அங்குள்ள வாகன நிறுத்தகத்தில் இருசக்கர வாகனத்தை நிறுத்தி விட்டு வனப்பகுதிக்குள் சென்றுள்ளனர். பின்னர் திருமலை மட்டும் அங்கிருந்து பேருந்தில் வீட்டுக்கு வந்துள்ளார். நீண்ட நேரம் கடந்தும் யுவராஜ் வீடு திரும்பவில்லை. இதனால், யுவராஜின் தந்தை பல இடங்களில் தேடியும் கிடைக்காததால் அவரது நண்பரான திருமலையை தொடர்பு கொண்டு கேட்டபோது இருவரும் தடுப்பணை அருகே சென்றதாகவும், அவர் எங்கு சென்றார் என தெரியாது என கூறியுள்ளார்.
