அரசு பேருந்தில் பயணித்த மருத்துவக் கல்லூரி மாணவிக்கு இரவில் நேர்ந்த கொடூரம்

தஞ்சாவூரில் இருந்து வேலூருக்கு அரசு பேருந்தில் பயணித்த மாணவிக்கு இரவில் நேர்ந்த கொடூரம் பெரும் அதிர்ச்சியை ஏற்படுத்தியுள்ளது.

ராணிப்பேட்டை மாவட்டத்தை சேர்ந்த 20 வயது இளம்பெண் திருவாரூர் அரசு மருத்துவக் கல்லூரியில் மருத்துவம் பயின்று வருகிறார். இவர் விடுமுறையில் சொந்த ஊருக்கு செல்வதற்காக நேற்று(ஆக.14) கும்பகோணம் பேருந்து நிலையத்தில் தஞ்சாவூரிலிருந்து திருப்பதி நோக்கி செல்லும் தமிழ்நாடு அரசு விரைவு (SETC) பேருந்தில் ஏறி வேலூர் நோக்கி பயணம் செய்துள்ளார்.

அப்போது மாணவி இரவில் உறங்கும் நேரம் பார்த்து அதே பேருந்தில் ஸ்டெப்ணி ஓட்டுநராக பணியாற்றும் அரியலூர் மாவட்டம் ஜெயம் கொண்டான் பகுதி மேட்டு தெருவை சேர்ந்த நீலமேகம் (46) என்பவர் மாணவியின் அருகில் அமர்ந்து சில்மிஷம் செய்து பாலியல் தொல்லை கொடுத்துள்ளார்.

இதனால் அதிர்ச்சி அடைந்த மாணவி பேருந்து வேலூர் வந்ததும், வேலூர் அனைத்து மகளிர் காவல் நிலையத்தில் புகார் அளித்துள்ளார். அதன் பெயரில் வழக்கு பதிவு செய்த காவல் துறையினர் அரசு பேருந்து ஓட்டுநர் நீலமேகத்தை கைது செய்து வேலூர் மத்திய சிறையில் அடைத்தனர்.

இதையும் படிங்க: காதலிப்பதாக 5க்கும் அதிகமான பெண்களை ஏமாற்றிய நபர் கைது