கள்ளச் சாராய விற்பனை அமோகம் : நடவடிக்கை எடுக்க மக்கள் கோரிக்கை

காட்டுப்பகுதியில் ஜோராக நடைபெறும் கள்ளச் சாராய விற்பனை குறித்த வீடியோ வெளியான நிலையில், சாராய விற்பனையில் ஈடுபடுபவர்கள் மீது நடவடிக்கை எடுக்கக்கோரி அப்பகுதி மக்கள் கோரிக்கை விடுத்துள்ளனர்.

திருப்பத்தூர்: வாணியம்பாடி அடுத்த திகுவாபாளையம், கனவாமேடு காட்டுப்பகுதியில் சட்ட விரோதமாக கள்ளச் சாராய விற்பனை நடைபெறுவதாக கூறப்படுகிறது.

பாப்பாம்மாள் என்பவர் கூலி ஆட்களை வேலைக்கு வைத்து கள்ளச் சாராய விற்பனை செய்து வருவதாகவும் அதிகாலை முதலே சாராய விற்பனை களைகட்டுவதால் ஊர் அமைதி கெடுவதாகவும் அப்பகுதி மக்கள் தெரிவித்துள்ளனர்.

கள்ளச் சாராய விற்பனை தொடர்பான வீடியோ வெளியான நிலையில் போலீசார் உடனடியாக நடவடிக்கை எடுக்க வேண்டும் என அப்பகுதி மக்கள் கோரிக்கை வைத்துள்ளனர்.

இதையும் படிங்க: காதலியுடன் சேர்ந்து தோழியை கொலை செய்த இளைஞர்