திருப்பத்தூரில் கரோனா தொற்றால் பாதிக்கப்பட்டோரின் எண்ணிக்கை 414 ஆக உயர்வு!

திருப்பத்தூர்: மாவட்டத்தில் கரோனா நோய்த்தொற்றால் பாதித்தவர்களின் எண்ணிக்கை 414ஆக உயர்ந்துள்ளது.

திருப்பத்தூர் மாவட்டத்தில் நேற்று (ஜூலை 12) மேலும் 26 பேருக்குக் கரோனா தொற்று உறுதி செய்யப்பட்டது. இதனால் மாவட்டத்தில் கரோனாவினால் பாதிக்கப்பட்டவர்களின் எண்ணிக்கை 414ஆக உயர்ந்துள்ளது.

நேற்று (ஜூலை 12) மட்டும் 4 பேர் கரோனாவில் இருந்து பூரண குணமடைந்து வீடு திரும்பியுள்ளனர். மாவட்டத்தில் இதுவரை, கரோனாவில் இருந்து குணமடைந்தவர்களின் எண்ணிக்கை 209ஆக உள்ளது.

மேலும் மாவட்டத்தில் 21 ஆயிரத்து 976 பேருக்குக் கரோனா பரிசோதனை மேற்கொள்ளப்பட்டுள்ளது. கரோனாவால் மாவட்டத்தில், இதுவரை ஒருவர் மட்டுமே உயிரிழந்துள்ளார்.