சுவர் இடிந்து விழுந்ததில் ஆட்டோ சேதம்

திருப்பத்தூரில் தொடர் மழை காரணமாக ரைஸ்மில் சுவர் இடிந்து விழுந்ததில் சாலையோரம் நிறுத்தி வைக்கப்பட்டிருந்த ஷேர் ஆட்டோ முற்றிலுமாக சேதம் அடைந்துள்ளது.

திருப்பத்தூர்: ஆம்பூர் மற்றும் அதன் சுற்றுவட்டார பகுதிகளில் தொடர்ந்து 2 நாட்களாக விட்டுவிட்டு கனமழை பெய்து வருகிறது. இந்நிலையில் இன்று தேவலாபுரம் பகுதியில் ராஜேந்திரன் என்பவர் சொந்தமான பழமையான ரைஸ்மில் கட்டடம் ஒன்று உள்ளது.

இந்த ரைஸ்மில் கட்டடத்தின் பின்பக்க சுவர் திடீரென இடிந்து விழுந்தது. சாலையோரம் நிறுத்தி வைக்கப்பட்டிருந்த ரமேஷ் என்பவருக்கு சொந்தமான ஷேர் ஆட்டோ மீது சுவர் இடிந்து விழுந்தது. இதில் முழுவதுமாக ஷேர் ஆட்டோ சேதம் அடைந்துள்ளது.

இதையும் படிங்க:ஓடும் பேருந்தில் மாணவிகளிடம் அத்துமீறிய நடத்துநர் போக்சோவில் கைது