தூத்துக்குடி மாவட்டம், திருச்செந்தூர் அடுத்த ராணிமகாராஜபுரத்தை சேர்ந்த இளம் காதல் ஜோடிகள் கடந்த 10ஆம் தேதி தேரிக்குடியிருப்பு பகுதியில் பேசிக்கொண்டிருந்தனர். அப்போது அந்த வழியாக திருச்செந்தூர் தாலுகா காவல் நிலைய காவலர் சசிகுமார் மற்றும் ராணுவத்தை சேர்ந்த காவலர் பாலமுருகன் ஆகிய இருவரும் சென்றுள்ளனர்.
காதல்ஜோடிகள் தனியாக இருப்பதை பார்த்த அவர்கள் தங்களது செல்போனில் வீடியோ எடுத்து வைத்துக் கொண்டு மிரட்டியதாக தெரிகிறது.
மேலும் காதலனை அங்கிருந்து அடித்து விரட்டி விட்டு, 16 வயது மாணவியிடம் தவறாக ஈடுபட்டுள்ளனர். அதுமட்டுமல்லாமல் பணம் தரவில்லை என்றால், வீடியோவை இணையத்தில் வெளியிடுவோம் என மிரட்டியுள்ளனர். இது குறித்து பாதிக்கப்பட்ட இளம் ஜோடிகள் திருச்செந்தூர் அனைத்து மகளிர் காவல் நிலையத்தில் புகார் அளித்தனர். புகாரின் பேரில் வழக்கு பதிவு செய்த காவல்துறையினர் இருவரையும் போக்சோ சட்டத்தின் கீழ் கைது செய்துள்ளனர்.
இதையும் படிங்க:பெண்ணை கூட்டுப் பாலியல் வன்புணர்வு - முன்னாள் கணவரின் உறவினர்கள் கைது!
