தூத்துக்குடியில் சுமார் 5-ஆயிரம் தொழிலாளர்கள் வரை சங்கு குழிக்கும் தொழிலில் ஈடுபட்டு வருகின்றனர்.தற்போது கன்னியாகுமரி போன்ற வெளிமாவட்டங்களில் இருந்து தொழிலாளர்களை சிலரை படகின் உரிமையாளர்கள் கூட்டி வந்து இரவு பகல் பாராமல சங்கு எடுக்கின்றனர். இதனால் உள்ளூர் சங்கு எடுக்கும் தொழிலாளர்களுக்கு பாதிப்பு ஏற்படுகின்றது.
இது சம்பந்தமாக மீன்வளத்துறை அதிகாரிகளிடம் புகார் அளித்தும் எந்த நடவடிக்கையும் எடுக்கவில்லை. ஒரு கட்டத்தில் உள்ளூர் சங்கு எடுக்கும் தொழிலாளர்களுக்கும் கன்னியாகுமரியில் இருந்து சங்கு எடுக்க வரக்கூடிய தொழிலாளர்களுக்கும் கைகலப்பு ஏற்படும் நிலை வந்ததால் தூத்துக்குடி சங்குகுழி மீனவர்கள் கடலுக்கு செல்லாமல் போராட்டத்தில் ஈடுபட்டனர்.
மேலும் வெளியூரில் இருந்து சங்கு எடுக்க வரும் தொழிலாளர்களை அனுமதிக்கக்கூடாது. இந்த சம்பவம் தொடர்பாக நடவடிக்கை மேற்கொள்ள வேண்டும், என்று சங்குகுழி மீனவர்கள் சங்கத்தினர் மீன்வள இணை இயக்குனர் அலுவலகத்தை முற்றுகையிட்டு போராட்டத்தில் ஈடுபட்டனர்.
தூத்துக்குடி-யை சார்ந்த சங்குகுழி மீனவர்கள் கன்னியாகுமரி பகுதிக்கு சங்குகுழி தொழிலுக்கு சென்றால் எங்களை அவர்கள் அனுமதிப்பதில்லை. ஆனால் தூத்துக்குடியில் அவர்கள் வந்து சங்கு தொழில் செய்ய சில முதலாளிகள் அழைத்து வருகின்றனர். இதனால் உள்ளூர் தொழிலாளர்களுக்கு பாதிப்பு ஏற்படுகிறது. இதனால் பல பிரச்சனைகள் வருகின்றது.
எனவே இந்த விவகாரத்தில் மீன்வளத்துறை அதிகாரிகள் மற்றும் மாவட்ட நிர்வாகம் உடனடியாக தலையிட வேண்டும். இல்லை என்றால் போராட்டத்தில் ஈடுபடுவோம் என சங்குழி மீனவர்கள் தெரிவித்தனர்.
இதையும் படிங்க: பாப்புலர் பிரண்ட் ஆப் இந்தியா அமைப்பின் தேசிய செயற்குழு உறுப்பினர் இஸ்மாயில் வீட்டில் என்ஐஏ சோதனை
