தூத்துக்குடி அனல்மின் நிலைய விவகாரம்: மத்திய, மாநில அரசுகள் பதிலளிக்க உயர்நீதிமன்றம் உத்தரவு! - மதுரைக் கிளை

தூத்துக்குடி: வ.உ.சி. துறைமுகத்தில் தனியார் அனல்மின் நிலையம் அமைக்க இடைக்கால தடைவிதிக்கக் கோரிய வழக்கில் மத்திய, மாநில அரசுகள் பதிலளிக்க வேண்டும் என உயர்நீதிமன்ற மதுரைக் கிளை உத்தரவிட்டுள்ளது.

தூத்துக்குடி அனல்மின் நிலைய விவகாரம்: மத்திய, மாநில அரசுகள் பதிலளிக்க உயர்நீதிமன்றம் உத்தரவு!

Published : Mar 22, 2019, 8:28 PM IST

தூத்துக்குடி வ.உ.சி. துறைமுகத்திற்கு சொந்தமான 36 புள்ளி 81 ஹெக்டர் பரப்பளவு கொண்ட நிலத்தில், தனியார் அனல்மின் நிலையம் ஒன்று அமைக்க திட்டமிடப்பட்டது.

இதற்கு தடைவிதிக்க கோரி தூத்துக்குடியை சேர்ந்த பாலசிங்கம் என்பவர் உயர்நீதி மன்ற மதுரைக்கிளையில் பொதுநல மனு தாக்கல் செய்திருந்தார்.

அதில், தூத்துக்குடி துறைமுகத்திற்குள் தமிழக அரசிற்கு சொந்தமான அனல் மின் நிலையம் உள்ளது. இரு அனல் மின் நிலையங்களுக்கு இடையே 10 கிமீ இடைவெளி இருக்க வேண்டும். ஆனால் புதிதாக அமையவுள்ள தனியார் அனல் மின் நிலையம் 10 கிமீ தொலைவிற்குள் உள்ளது. இதனால் பொதுமக்களுக்கு அதிகளவில் பாதிப்பு ஏற்படும்.

மேலும் மூன்று லட்சம் மக்கள் தொகை உள்ள இடத்தில் இருந்து 25 கிமீ தொலைவிற்கு அப்பால் அனல் மின் நிலையம் அமைய வேண்டும் என விதி உள்ளது.

ஆனால் இந்த புதிய அனல்மின் நிலையம் குடியிருப்பு பகுதிகளுக்கு மிக அருகில் உள்ளது. இதனால் அந்த அனல்மின் நிலையம் அமைக்க அளித்த அனுமதி, உரிமம், ஒப்பந்தம் போன்றவற்றை ரத்து செய்ய உத்திரவிட வேண்டும்" என கோரிக்கை விடுத்திருந்தார்.

இந்த மனுவை விசாரித்த நீதிபதிகள் கிருபாகரன், சுந்தர் அமர்வு, அனல் மின் நிலையம் அமைப்பது குறித்து மத்திய, மாநில அரசுகள் பதிலளிக்க வேண்டும் என உத்தரவிட்டு வழக்கினை மார்ச் 25ஆம் தேதிக்கு ஒத்திவைத்தனர்.

தூத்துக்குடி துறைமுகத்தில் தனியார் அனல்மின் நிலையம் - மத்திய, மாநில அரசுகள் பதிலளிக்க உயர்நீதிமன்றம் உத்தரவு

தூத்துக்குடி வ.உ.சி.துறைமுகத்தில் 36.81 ஹெக்டேர் பரப்பளவில் தனியார் அனல்மின் நிலையம் அமைக்க இடைக்கால தடைவிதிக்கக் கோரிய வழக்கில் மத்திய, மாநில அரசுகள் பதிலளிக்க உயர்நீதிமன்ற மதுரைக் கிளை உத்தரவு.

தூத்துக்குடியை சேர்ந்த பாலசிங்கம் உயர்நீதிமன்ற மதுரைக்கிளையில் பொது நல மனுவினை தாக்கல் செய்திருந்தார். அதில், 'தூத்துக்குடி துறைமுக நகர், கோயில் பிள்ளை நகர், முத்துநகர், ஒத்தவீடு உள்ளிட்ட பகுதிகளில் ஒரு லட்சத்திற்கும் அதிகமானோர் 60 ஆண்டுகளுக்கு மேலாக வசித்து வருகின்றனர்.

தூத்துக்குடி துறைமுகத்திற்கு சொந்தமான கடற்கரை அருகே அமைந்துள்ள 36.81 ஹெக்டேர் பரப்பளவு நிலம் கோயில் பிள்ளை நகருக்கு வ.உ.சிதம்பரம் துறைமுகம் சார்பில் ஒதுக்கப்பட்டது. இந்த நிலத்தை தற்போது அனல் மின் நிலையம் அமைக்க தனியார் நிறுவனத்திற்கு குத்தகைக்கு வழங்கியுள்ளது.

தற்போது புதிய அனல் மின் நிலைய பணிகள் நடைபெற்று வருகின்றன. தூத்துக்குடி துறைமுகத்திற்குள் தமிழக அரசிற்கு சொந்தமான அனல் மின் நிலையம் உள்ளது. அனல் மின் நிலையம் போன்றவை அதிக அபாயகரமானது என்பதுடன் இவ்வகை அனல்மின் நிலையங்கள் முதல் வகையில் வரக்கூடியது.

இரு அனல் மின் நிலையங்களுக்கு இடையே 10 கி.மீ., இடைவெளி இருக்க வேண்டும். ஆனால் புதிதாக அமையவுள்ள தனியார் அனல் மின் நிலையம் 10 கி.மீ., தொலைவிற்குள் உள்ளது. இதனால் பொதுமக்களுக்கு அதிகளவில் பாதிப்பு ஏற்படும். 3 லட்சம் மக்கள் தொகை உள்ள இடத்தில் இருந்து 25 கி.மீ., தொலைவிற்கு அப்பால் அனல் மின் நிலையம் அமைய வேண்டும் என விதி உள்ளது.

ஆனால் இந்த புதிய அனல்மின் நிலையம் குடியிருப்பு பகுதிகளுக்கு மிக அருகில் அமைகிறது. புதிய அனல் மின் நிலைய புனல்கள் விமான நிலைய ஓடுதள பாதைக்கு அருகில் உள்ளன. எனவே தூத்துக்குடி வ.உ.சி.துறைமுகத்தில் 36.81 ஹெக்டேர் பரப்பளவில் தனியார் அனல்மின் நிலையம் அமைக்க இடைக்கால தடைவிதிக்க வேண்டும்.
மேலும் தூத்துக்குடி வ.உ.சி.துறைமுகத்தில் தனியார் அனல்மின் நிலையம் அமைக்க அளித்த அனுமதி, ஒப்பந்தம், உரிமம் உள்ளிட்டவற்றை ரத்து செய்து உத்தரவிட வேண்டும்' என மனுவில் கூறியிருந்தார்.

இந்த மனு இன்று நீதிபதிகள் கிருபாகரன், சுந்தர் அமர்வு முன் விசாரணைக்கு வந்தது. அப்போது இது குறித்து மத்திய, மாநில அரசுகள் பதிலளிக்க உத்தரவிட்டு வழக்கினை மார்ச் 25-ஆம் தேதிக்கு ஒத்திவைத்தனர்.

For All Latest Updates