பட்டப்பகலில் வழக்கறிஞர் தம்பி படுகொலை: 13 பேர் கைது! - 13 பேர் கைது

தூத்துக்குடி: வழக்கறிஞரின் தம்பி கொலை தொடர்பாக 13 பேரை தனிப்படை காவல்துறையினர் கைது செய்து விசாரணை மேற்கொண்டு வருகின்றனர்.

murder

Published : Aug 22, 2019, 8:36 PM IST

தூத்துக்குடி அய்யனடைப்பைச் சேர்ந்தவர் சிவகுமார் (41). நெல்லை மாவட்டம் பாளையங்கோட்டை கே.டி.சி.நகர் டார்லிங் நகரில் வசித்து வந்த, சிவகுமார் ரியல் எஸ்டேட் தொழில் செய்து வந்துள்ளார். கடந்த

2005-ஆம் ஆண்டு தூத்துக்குடி கோரம்பள்ளம் பகுதியில் பச்சைபெருமாள் என்ற ஆத்திப்பழம் என்பவர் கொலை செய்யப்பட்டார். இந்த கொலை வழக்கில் சிவகுமார் முக்கிய குற்றவாளியாக சேர்க்கப்பட்டிருந்தார். இந்த வழக்கு விசாரணை தூத்துக்குடி 2-வது கூடுதல் அமர்வு நீதிமன்றத்தில் நடந்து வருகிறது.

நேற்று இந்த வழக்கின் இறுதிகட்ட விசாரணை நடந்தது. இதில் ஆஜராவதற்காக சிவகுமார் பாளையங்கோட்டையில் இருந்து தனது காரில் தூத்துக்குடிக்கு வந்திருந்தார். அப்போது தனது அண்ணன் வழக்கறிஞர் ராம்குமாருடன் தென்பாகம் காவல் நிலையத்துக்கு பின்புறம் சென்றபோது, அவரைப் பின் தொடர்ந்து வந்த அடையாளம் தெரியாத நபர்கள் சிவகுமாரை சுற்றி வளைத்து அரிவாளால் சரமாரியாக வெட்டிக் கொலை செய்து தப்பி ஓடியதாகத் தெரிகிறது.

இந்நிலையில், தகவலறிந்து சம்பவ இடத்திற்கு வந்த மாவட்ட எஸ்.பி. அருண் பாலகோபாலன், டிஎஸ்பி பிரகாஷ், தென்பாகம் காவல் ஆய்வாளர் ஜீன்குமார் உள்ளிட்டோர் சம்பவம் நடந்த இடத்தைப் பார்வையிட்டனர். இதையடுத்து இறந்தவரின் உடல் பிரேத பரிசோதனைக்காக அரசு மருத்துவமனைக்கு அனுப்பிவைக்கப்பட்டது. அதனைத்தொடர்ந்து இந்தக் கொலை தொடர்பாக தென்பாகம் காவல்துறையினர் வழக்குப்பதிவு செய்து விசாரணை மேற்கொண்டனர்.

விசாரணையில், ஆத்திப்பழம் கொலை செய்யப்பட்டதற்கு பழிக்குப்பழியாக ஆத்திபழத்தின் தம்பி ராஜேஷ் மற்றும் அவரது கூட்டாளிகள் 10-க்கும் மேற்பட்டவர்கள் சேர்ந்து சிவகுமாரை கொலை செய்ததாக கூறப்படுகிறது. கொலையாளிகளைப் பிடிக்க நான்கு தனிப்படைகள் அமைக்கப்பட்டு தீவிரமாக தேடி வருகின்றனர். தூத்துக்குடியில் பட்டப்பகலில் நிகழ்ந்த இந்த கொலை தொடர்பாக பொறியியல் கல்லூரி மாணவர் உட்பட 13 பேரை காவல்துறையினர் கைது செய்துள்ளனர்.

Intro:காவல் நிலையம் அருகே ரியல் எஸ்டேட் தொழிலதிபர் கழுத்து அறுத்து கொலைசெய்யப்பட்ட வழக்கில் 13பேர் கைது - தனிப்படையினர் அதிரடிBody:
தூத்துக்குடி

தூத்துக்குடியில் வழக்கறிஞரின் தம்பி கொலை தொடர்பாக 13பேரை தனிப்படை போலீசார் கைது செய்துள்ளனர். முக்கிய குற்றவாளியை தேடி வருகின்றனர்.

தூத்துக்குடி அய்யனடைப்பை சேர்ந்தவர் பச்சைக் கண்ணன் மகன் சிவகுமார் (41). இவர் தற்போது நெல்லை மாவட்டம் பாளையங்கோட்டை கே.டி.சி.நகர் டார்லிங் நகரில் வசித்து வந்தார். அங்கு ரியல் எஸ்டேட் தொழில் செய்து வந்தார். கடந்த 2005-ம் ஆண்டு தூத்துக்குடி கோரம்பள்ளம் பகுதியில் பச்சைபெருமாள் என்ற ஆத்திப்பழம் என்பவர் கொலை செய்யப்பட்டார். இந்த கொலை வழக்கில் சிவகுமார் குற்றவாளியாக சேர்க்கப்பட்டு இருந்தார். இந்த வழக்கு விசாரணை தூத்துக்குடி 2-வது கூடுதல் அமர்வு நீதிமன்றத்தில் நடந்து வருகிறது.

நேற்று இந்த வழக்கின் இறுதிக்கட்ட விசாரணை நடந்தது. இதில் ஆஜராவதற்காக சிவகுமார் பாளையங்கோட்டையில் இருந்து காரில் தூத்துக்குடிக்கு வந்தார். தூத்துக்குடி-திருச்செந்தூர் ரோட்டில் தென்பாகம் காவல் நிலையம் அருகே உள்ள தனது அண்ணன் வக்கீல் முத்துக்குமாரின் அலுவலகத்துக்கு சென்றார். பின்னர் அங்கிருந்து மற்றொரு அண்ணன் ராம்குமாருடன் தென்பாகம் காவல் நிலையத்துக்கு பின்புறம் நீதிமன்றத்திற்கு செல்லும் கேட் வழியாக செல்வதற்காக ரோட்டை கடந்து சென்றபோது, அந்த பகுதியில் ஆங்காங்கே நின்று கண்காணித்துக் கொண்டு இருந்த மர்ம கும்பல் ஓடி வந்து சிவகுமாரை சுற்றி வளைத்து அரிவாளால் சரமாரியாக வெட்டிக் கொலை செய்தது.

இதுகுறித்து தகவல் அறிந்த மாவட்ட எஸ்பி அருண் பாலகோபாலன், டிஎஸ்பி பிரகாஷ், தென்பாகம் போலீஸ் இன்ஸ்பெக்டர் ஜீன்குமார் மற்றும் போலீசார் சம்பவ இடத்துக்கு விரைந்து வந்து விசாரணை நடத்தினர். விசாரணையில், ஆத்திப்பழம் கொலை செய்யப்பட்டதற்கு பழிக்குப்பழியாக ஆத்திபழத்தின் தம்பி ராஜேஷ் மற்றும் அவரது கூட்டாளிகள் 10-க்கும் மேற்பட்டவர்கள் சேர்ந்து சிவகுமாரை கொலை செய்ததாக கூறப்படுகிறது. இந்த கொலை தொடர்பாக தென்பாகம் போலீசார் வழக்குப்பதிவு செய்தனர். கொலையாளிகளை பிடிக்க 4 தனிப்படைகள் அமைக்கப்பட்டு கொலையாளிகளை தீவிரமாக தேடி வருகின்றனர். தூத்துக்குடியில் பட்டப்பகலில் நிகழ்ந்த இந்த கொலை தொடர்பாக பொறியியல் கல்லூரி மாணவர் உட்பட 13பேரை போலீசார் கைது செய்துள்ளனர்.

ஸ்ரீவைகுண்டம் பேய்துரைசாமி புரம் முதல் தெருவைச் சேர்ந்த தினேஷ் (25) (சென்னையில் மளிகை கடையில் வேலைபார்த்து வருகிறார்), சாயர்புரம் மாசிலாமணிபுரத்தைச் சேர்ந்த கந்தவேல் (23), முள்ளக்காடு காந்தி நகரைச் சேர்ந்த பாலசுப்பிரமணியன் (26), தூத்துக்குடி அண்ணா நகர் 3வது தெருவைச் சேர்ந்த பூபேஸ் கண்ணன் (27), கோரம்பள்ளம் பேஙக் தெருவைச் சேர்ந்த விக்னேஷ் (23), பேரூரணியைச் சேர்ந்த மருதவேல் என்ற பப்படை (27), குலையன்கரிசல் கீழத்தெருவைச் சேர்ந்த சத்யராஜ் (25), தூத்துக்குடி ஹவுசிங் போர்டு கொத்தனார் காலனியைச் சேர்ந்த தங்கம் (21) (வாகைகுளம் மதர் தெரசா பொறியியல் கல்லூரி மாணவர்), தூத்துக்குடி அண்ணா நகர் 2வது தெருவைச் சேர்ந்த வேல்சங்கர் (26), ராசுக்குட்டி என்ற கணகராஜ் (24), வெங்கடேஷ்வரன் (30), கோரம்பள்ளம் பிஎஸ்பி நகர் பீட்டர் (24), நட்டாத்தி கிராமத்தைச் சேர்ந்த பொன் சரவணபெருமாள் (27) ஆகிய 13பேரை போலீசார் கைது செய்துள்ளனர். இதில் முக்கிய குற்றவாளியான ராஜேஸ் தொடர்ந்து தலைமறைவாகியுள்ளார். அவரை போலீசார் தேடி் வருகின்றனர். ராஜேஷ் உள்பட 14 பேர் மீதும் குற்றவியல் சட்டப்பிரிவு 147, 148, 294(பி), 302, 506(2), 3.2(5), தீண்டாமை ஒழிப்பு, சட்டவிரோதமாக ஆயுதங்களுடன் கூடி சாதி பெயரைச் சொல்லி திட்டி மிரட்டி கொலை செய்தல் ஆகிய பிரிவுகளின் கீழ் வழக்குப் பதிவு செய்துள்ளனர்.Conclusion:கொலை தொடர்பான வீடியோ நேற்று அனுப்பியதை பயன்படுத்திக்கொள்ளலாம்.

For All Latest Updates