உதவித்தொகையை உயர்த்தக் கோரி மாற்றுத்திறனாளிகள் ஆர்ப்பாட்டம்!

தூத்துக்குடி:மாதாந்திர உதவித்தொகையை 5 ஆயிரமாக உயர்த்தி வழங்க வலியுறுத்தி வட்டாட்சியர் அலுவலகத்தில் மாற்றுத்திறனாளிகள் குடியேறும் போராட்டத்தில் ஈடுபட்டனர்.

தூத்துக்குடி மாவட்டம் கோவில்பட்டி அருகேவுள்ள கயத்தாறு வட்டாட்சியர் அலுவலகத்தில் மாற்றுத்திறனாளிகள் சார்பில் குடியேறும் போராட்டம் நடைபெற்றது.

மாற்றுத்திறனாளிகளுக்கு வழங்கப்படும் மாதாந்திர உதவித்தொகையை 5 ஆயிரமாக உயர்த்தி வழங்க வலியுறுத்தியும், அரசு மற்றும் தனியார் வேலைவாய்ப்புகளில் 4 சதவீத இட ஒதுக்கீட்டை அமல்படுத்த வலியுறுத்தியும் ஆர்ப்பாட்டம் நடத்தினர். மேலும், மாற்றுத் திறனாளிகள் நலனுக்கு எதிராக செயல்படும் எடப்பாடி தலைமையிலான தமிழ்நாடு அரசைக் கண்டித்து கோஷங்கள் எழுப்பினர்.