தூத்துக்குடி மாவட்டம் ஓட்டப்பிடாரம் சட்டப்பேரவை தொகுதிக்குட்பட்ட டி.சவேரியார்புரத்தில் திமுக தேர்தல் பணிமனை திறப்பு விழா இன்று நடைபெற்றது. இதில், திமுக மாநில மகளிரணி செயலாளரும், எம்.பியுமான கனிமொழி கலந்துகொண்டு திறந்து வைத்தார்.
பின்னர் செய்தியாளர்களை சந்தித்த அவர், "தேர்தல் ஆணையம் ஆளும் கட்சியுடன் கூட்டணி வைத்து செயல்படுகிறது என்ற பயம் உள்ளது. தோல்வி பயத்தால் தான் ஆளும் கட்சி தேர்தல் ஆணையம் மூலம் பல நடவடிக்கைகள் எடுத்து வருகிறார்கள். முதலமைச்சராக அல்ல அமைச்சராக கூட கனவு காணத் தகுதியில்லாதவர் எல்லாம் தமிழ்நாட்டின் முதலமைச்சராக உள்ளார். ஸ்டாலினை விமர்சிக்க அவருக்கு தகுதியில்லை. விரைவில் தமிழ்நாடு மக்கள் ஸ்டாலினை முதலமைச்சராக்கி காட்டுவார்கள். தெலங்கானா முதலமைச்சர் மட்டுமல்ல யார் வேண்டுமானாலும் திமுக தலைவர் ஸ்டாலினை சந்திக்கலாம். ஆனால், ஸ்டாலின் தனது முடிவில் தெளிவாக உள்ளார்", என்றார்.
