மத்திய அரசின் ஹைட்ரோகார்பன் திட்டமானது பொதுத்துறை நிறுவனமான ஓ.என்.ஜி.சி. நிறுவனத்துடன், தனியார் நிறுவனமான வேதாந்தாவும் கூட்டு சேர்ந்துச் செயல்படப் போவதாக அறிவிப்பு வெளியானது. இந்த அறிவிப்பு வந்ததிலிருந்து டெல்டா மாவட்டங்களில் விவசாயிகள் எதிர்ப்பு தெரிவித்துத் தொடர் போராட்டம் நடத்திவருகின்றனர்.
இதன் ஒரு பகுதியாகத் தமிழ்நாடு விவசாயிகள் சங்கத்தின் சார்பில் தொடர் முழக்கப் போராட்டம் நடத்தப்போவதாக அறிவித்திருந்தனர். இந்த அறிவிப்பை அடுத்து, நேற்று திருவாரூர் பழைய பேருந்து நிலையம் எதிரே காவிரி டெல்டாவை பாலைவனமாக்கும் ஹைட்ரோகார்பன் திட்டத்தை மத்திய மாநில அரசுகள் கைவிட வலியுறுத்தி 50-க்கும் மேற்பட்டோர் தொடர் முழக்கப் போராட்டத்தில் ஈடுபட்டனர்.
