ஹைட்ரோகார்பன் திட்டத்திற்கு எதிர்ப்பு தெரிவித்து தமிழ்நாடு முழுவதும் பல்வேறு இடங்களில் போராட்டங்கள் நடைபெற்று வருகின்றன. தமிழ்நாடு சட்டப்பேரவையில், சட்டத்துறை அமைச்சர் ஹைட்ரோ கார்பன் திட்டத்திற்கு மாநில அரசு அனுமதி வழங்காது என்று அறிவித்த சில மணி நேரங்களிலேயே, மத்திய அரசு தமிழ்நாடு டெல்டா பகுதிகளில், மேலும் மூன்று இடங்களில் ஹைட்ரோ கார்பன் எடுக்க அனுமதி வழங்கியுள்ளது.
இந்நிலையில் ஹைட்ரோ கார்பன் திட்டத்தை தங்களது இடங்களில் செயல்படுத்த விடமாட்டோம் என்று கூறி திருவாரூர் மாவட்டம், மேலராதாநல்லூர் ஊராட்சிக்குட்பட்ட வடபாதி, பனங்குடி, தென்பாதி, காவாலக்குடி, திருமாஞ்சோலை உள்ளிட்ட எட்டுக்கும் மேற்பட்ட கிராமங்களில் ஹைட்ரோகார்பன் திட்டத்திற்கு எதிர்ப்பு தெரிவித்து ஆயிரத்திற்கும் மேற்பட்ட வீடுகளில் கறுப்புக் கொடி கட்டி, விவசாய பெருமக்கள் நூதனப் போராட்டத்தில் ஈடுபட்டனர்.
