திருவண்ணாமலை: சின்னக்கடை தெருவில் இயங்கி வரும் செல்போன் கடையில், ஒருவர் தனது செல்போனிற்கு டச் ஸ்கிரீன் (phone touch screen) மாற்ற வேண்டும் என்று கூறியுள்ளா. அவர் கஞ்சா போதையில் இருந்ததை அறிந்த கடை உரிமையாளர் தங்களின் செல்போனிற்கு எங்களிடம் ஸ்கிரீன் கார்டு இல்லை என்று கூறியதாக தெரிகிறது.
இதனால் ஆத்திரமடைந்த கஞ்சா போதை ஆசாமி செல்போன் கடை உரிமையாளரை தாக்கியுள்ளார். இதனை பார்த்த அக்கம் பக்கத்து கடைக்காரர்கள் திருவண்ணாமலை நகர காவல் நிலையத்திற்கு தகவல் அளித்தனர். தகவலின் பேரில் சம்பவ இடத்திற்கு சென்ற காவல்துறையினர், கஞ்சா போதையில் இருந்த நபரை மீட்டு காவல் நிலையம் அழைத்துச் சென்றனர்.
காவல்நிலையத்திலும், அவர் ரகளையில் ஈடுபட்டதாக காவல் நிலைய வட்டாரத்தில் தெரிவித்தனர். இந்நிலையில் செல்போன் கடைக்கு உள்ளே சென்ற நபர் உரிமையாளரை தாக்கிய வீடியோ தற்போது இணையத்திக்ல் வைரலாகி வருகிறது.
இதையும் படிங்க: டாஸ்மாக் கடையில் பணம் கேட்டு மிரட்டிய 'கரூர் குரூப்'
