பக்தர்களிடம் சுங்கவசூல் செய்பவர்கள் மீது குண்டர் சட்டம் பாயும்: மாவட்ட ஆட்சித்தலைவர்.!

திருவண்ணாமலை: கார்த்திகை தீபத்திருவிழாவிற்கு வரும் பக்தர்களிடம் சுங்க வசூல் செய்பவர்கள் குண்டர் சட்டத்தில் கைது செய்யப்படுவார்கள் என மாவட்ட ஆட்சியர் கந்தசாமி எச்சரித்துள்ளார்.

திருவண்ணாமலை அண்ணாமலையார் கோயிலில் கார்த்திகை தீபத் திருவிழா இன்று தொடங்கி தொடர்ந்து 10 நாட்கள் நடைபெறும். இந்நிலையில் விழா நடைபெறுவது குறித்து பொதுமக்களிடம் கருத்து கேட்புக்கூட்டம் திருவாண்ணாமலையில் நடைபெற்றது.

இக்கூட்டத்தில் கலந்து கொண்ட மாவட்ட ஆட்சியர் கந்தசாமி பேசுகையில், கார்த்திகை தீபத்திருவிழாவில் பக்தர்களிடம் சுங்க வசூல், ஏல வசூல் என்ற பெயரில் வசூலிப்பவர்கள் குண்டர் சட்டத்தில் கைது செய்யப்படுவார்கள். இதுவரை நடைபெற்ற கார்த்திகை தீபத்திருவிழாக்களை காட்டிலும் இந்தாண்டு பக்தர்களுக்கு கூடுதல் வசதிகள் செய்துதரப்படும். இதற்காக 14 சிறப்பு ரயில்கள் 34 மாநிலத்தில் இருந்து இயக்கப்பட உள்ளது என்றார்.

பின்னர் நடைபெற்ற வட்டார அளவிலான மாற்றுத்திறனாளிகளுக்கான சிறப்பு குறை தீர்வு முகாமில் கலந்துகொண்ட மாவட்ட ஆட்சியர் 29பயனாளிகளுக்கு உதவித்தொகை பெறுவதற்கான ஆணைகளை வழங்கினார்.

இதையும் படிக்க: திருப்பூர் அருகே பிரபல கோயிலில் சுவரை துளையிட்டு அரங்கேறிய கொள்ளை!