திருவண்ணாமலை மாவட்டம், மூலக்காடு பகுதியை சேர்ந்தவர் பிரபு. இவர், கண்ணமங்கலம் அடுத்த அம்மன் கோயில் படவேட்டில் இரு சக்கர வாகனத்தில் நேற்று சென்றுகொண்டிருந்தார். அப்போது எதிர்பாராதவிதமாக எதிரே வந்த மினி வேன் மீது இருசக்கர வாகனம் மோதியது. இந்த விபத்தில் நிலை தடுமாறி பிரபு கீழே விழந்தார்.
இதில் பலத்த காயமடைந்ததால், அதிக ரத்தம் வெளியேறி சம்பவ இடத்திலேயே பிரபு பரிதாபமாக உயிரிழந்தார். தகவல் அறிந்து சம்பவ இடத்திற்கு வந்த காவல்துறையினர், பிரபுவின் உடலை மீட்டு உடற்கூறாய்வுக்காக அரசு மருத்துவமனைக்கு அனுப்பி வைத்தனர். இந்த விபத்து குறித்து சந்தவாசல் காவல்துறையினர் வழக்குப்பதிவு செய்து விசாரணை மேற்கொண்டுவருகின்றனர்.
