திருவண்ணாமலை மாவட்டத்தில் நேற்று வரை கரோனா நோய் தொற்றால் பாதிக்கப்பட்டவர்களின் எண்ணிக்கை 5085ஆக இருந்தது, மேலும் இன்று புதிதாக 267 பேருக்கு நோய் தொற்று உறுதியானதையடுத்து, மாவட்டம் முழுவதும் தொற்றால் பாதிக்கப்பட்டவர்களின் எண்ணிக்கை 5352ஆக உயர்ந்துள்ளது.
மாவட்டத்தில் கரோனா நோய்த் தொற்றால் பாதிக்கப்பட்டு, சிகிச்சை பெற்று வந்த மூன்றாயிரத்து 212 பேர் குணமடைந்து வீடு திரும்பியுள்ளனர். இதுவரை சிகிச்சை பலனின்றி 48 பேர் உயிரிழந்துள்ளனர்.
இன்று புதிதாக நோய்தொற்று பாதிக்கப்பட்டவர்கள், திருவண்ணாமலை அரசு மருத்துவக் கல்லூரி மருத்துவமனை மற்றும் மாவட்டத்தின் பல்வேறு இடங்களில் உருவாக்கப்பட்டுள்ள கரோனா சிறப்பு வார்டில் சிகிச்சை பெற்றுவருகின்றனர்.
