திருவண்ணாமலை அடுத்த காட்டாம்பூண்டி மற்றும் சாத்தனூர் அணை ஆகிய இடங்களில் அதிமுகவில் புதிய உறுப்பினர் சேர்க்கை, பூத் கமிட்டி அமைப்பது குறித்த ஆலோசனைக் கூட்டம் தெற்கு மாவட்ட செயலாளர் அக்ரி கிருஷ்ணமூர்த்தி தலைமையில் இன்று (ஆகஸ்ட் 30) நடைபெற்றது.
கூட்டத்தில் பேசிய தெற்கு மாவட்ட செயலாளர் அக்ரி கிருஷ்ணமூர்த்தி, "நமது கட்சியினர் நாடாளுமன்ற உறுப்பினராக இல்லை என்ற கவலை வேண்டாம், சட்டப்பேரவை உறுப்பினராக இல்லை என்ற கவலை வேண்டாம், ஊராட்சி ஒன்றியக் குழு தலைவராக இல்லை என்ற கவலை வேண்டாம், ஊராட்சி மன்றத் தலைவராக இல்லை என்ற கவலை வேண்டாம், ஆனால் அத்தனைக்கும் மேலான அரசு நம் கைகளில் உள்ளது. அதிமுக தொண்டர்கள் வைக்கின்ற கோரிக்கையை செயல்படுத்தக் கூடிய இடத்தில் அதிகாரமிக்க அரசு மற்றும் கட்சித் தலைமை உள்ளது" என்று பேசினார்.
தொண்டர்களிடையே வாக்குவாதம்
அடுத்ததாக சாத்தனூர் அணையில் நடைபெற்ற ஆலோசனைக் கூட்டத்தில் அமைச்சர் சேவூர் ராமச்சந்திரனின் ஆதரவாளர்களுக்கு தகவல் அளிக்கவில்லை என்று கேட்டதற்கு, ”முன்னதாக பெருமாள் நகர் ராஜன் மாவட்ட செயலாளராக இருந்தபோது தொலைபேசியில் தகவல் கொடுத்தா சென்றீர்கள்; இப்போது ஏன் கேள்வி எழுப்புகிறார்கள்” என்று அதிமுக தொண்டர்களிடையே வாக்குவாதம் மற்றும் கூச்சல் காணப்பட்டது.
திருவண்ணாமலை தெற்கு மாவட்ட கழக செயலாளர் அக்ரி கிருஷ்ணமூர்த்தி நின்றிருந்த நிலையிலும், அதனையும் பொருட்படுத்தாமல் தொண்டர்களிடையே தகராறு மற்றும் கூச்சல் குழப்பம் ஏற்பட்டதால் கட்சி நிர்வாகிகள் இடையே அதிருப்தி ஏற்பட்டது. மேலும், செப்டம்பர் 4ஆம் தேதி தமிழ்நாடு முதலமைச்சர் பழனிசாமி திருவண்ணாமலை வர இருக்கும் நிலையில், கோஷ்டி பூசல் ஏற்பட்டுள்ளது.
இதையும் படிங்க: தமிழ்நாட்டில் பொதுப்போக்குவரத்து இயங்குமா? - முதலமைச்சர் ஆலோசனை
