நாடாளுமன்றத் தேர்தலை முன்னிட்டு பிரதான அரசியல் கட்சிகளின் வேட்பாளர்கள், தீவிர வாக்கு சேகரிப்பில் ஈடுபட்டு வருகின்றனர்.
அந்த வகையில், திருவள்ளூர் மக்களவைத் தொகுதியின் காங்கிரஸ் வேட்பாளர் ஜெயகுமார், திருப்பாச்சூர், பாண்டூர், கனகு வல்லிபுரம், பூண்டி ஆகிய பகுதிகளில் இன்று பரப்புரையில் ஈடுபட்டார்.
அப்போது, “நம் பாக்கம் பகுதியில் இருக்கும் குடிநீர் தட்டுப்பாட்டை நான் உடனே நீக்குவேன். உலக வங்கியில் இருந்து கடன் பெற்று எப்பொழுதும் தண்ணீர் தீராத அளவு ஆழ்கிணறு எடுத்து தண்ணீர் திண்டாட்டம் இல்லாத ஊராக மாற்றுவேன். ஆகையால், கை சின்னத்திற்கு வாக்களியுங்கள். 10 ஆண்டுகளாக ஆட்சியில் இருக்கும் தற்போதைய எம்.பி ஒன்றும் செய்யவில்லை” என்றார்.
மேலும், இவருடன் திருவள்ளூர் திமுக எம்.எல்.ஏ வி.ஜி. ராஜேந்திரன், திருவள்ளூர் காங்கிரஸ் தலைவர் ஏ.சி. சிதம்பரம் ஆகியோர் உடனிருந்தனர்.
