திருவள்ளூர் மாவட்டம் ஆட்சியர் அலுவலகம் அருகில் அமைந்துள்ள தனியார் நிறுவனத்தில் பணிபுரியும் பெண்களுக்கு காவலன் செயலி பயன்படுத்துவது குறித்த விழிப்புணர்வு நிகழ்ச்சி நடைபெற்றது.
இதில் எஸ்பி அரவிந்தன் கலந்துகொண்டு, ' காவலன் செயலியைப் பயன்படுத்தினால் பெண்களுக்கு ஏற்படும் ஆபத்து நேரங்களில் 5 விநாடிகளில் காவல் துறை உதவும்' என்றும், அதை எப்படி பயன்படுத்த வேண்டும் என்பதையும் விளக்கமாகத் தெரிவித்தார்.
'பெண்களுக்கென காவலன் SOS என்னும் செயலியை காவல் துறை கொண்டு வந்தாலும். அதனை பயன்படுத்துபவர்கள் குறைவுதான். எந்தச் சூழ்நிலையிலும் பெண்களுக்கு பாலியல் தொல்லை வந்தால் SOS பட்டனை அழுத்தினால் போதும். ஜிபிஎஸ் மூலம் ஆபத்து நேரத்தில் அவர்கள் எந்தச் சூழ்நிலையில் எந்த இடத்தில் இருக்கிறார்கள் என்பதை காவல் துறை தெரிந்து கொள்வார்கள்' என்றார்.
காவலன் செயலியை எப்படி பயன்படுத்த வேண்டும் என்பதையும் திரையில் அவர் காண்பித்தார். ' அனைத்து ஆண்ட்ராய்டு கைப்பேசியில் இதனை டவுன்லோட் செய்து கொள்ளலாம். இன்டர்நெட் இல்லாத இடத்திலும் இது செயல்படும்' என்று தெரிவித்தார். அபாயகரமான நேரங்களில் கைப்பேசியை நீங்கள் அசைத்தால் போதும் உடனடியாக அது தகவல் கொடுத்துவிடும் எனக் கூறினார்.
இந்நிகழ்ச்சியில் திருவள்ளூர் காவல்துறை ஆய்வாளர் மகேஸ்வரி, போக்குவரத்துத்துறை ஆய்வாளர் கண்ணபிரான் ஆகியோர் கலந்து கொண்டனர்.
இதையும் படிங்க: விமான நிலையத்தில் காவலன் எஸ். ஓ. எஸ் செயலி விழிப்புணர்வு!
