சென்னை ஆவடியை அடுத்த அன்னனூர், சிவசக்தி நகரைச் சேர்ந்தவர் கோவிந்தசாமி (68). கூலித்தொழிலாளியான இவருக்கு சுப்பம்மாள் (60) என்ற மனைவியும் நகராஜ்(35), ரவி (30) ஆகிய இரண்டு மகன்களும் கல்யாணி(28) என்று மகளும் இருந்தனர்.
இந்த நிலையில் கோவிந்தசாமி தனது வீட்டில் அவரது மனைவி, மகன்கள், கல்யாணி, அவருடைய மகள்களான சர்வேஷ்வரி(6), யோகேஷ்வரி(8) ஆகிய ஏழு பேரும் விஷம் குடித்து தற்கொலைக்கு முயற்சி செய்துள்ளனர்.
இதில் கோவிந்தசாமி, சுப்பமாள், நாகராஜ், ரவி ஆகிய நான்கு பேர் சம்பவ இடத்திலேயே உயிரிழந்தனர். கல்யாணி மற்றும் அவரது மகள்கள் இரண்டு பேரும் தற்போது கே.எம்.சி மருத்துவமனையில் தீவிர சிகிச்சை பிரிவில் அனுமதிக்கப்பட்டுள்ளனர்.
சம்வவம் குறித்து திருமுல்லைவாயில் காவல் துறையினர் வழக்குப்பதிவு செய்து விசாரணை மேற்கொண்டு வருகின்றனர். முதல்கட்ட விசாரணையில், கோவிந்தசாமி கடன் பிரச்னை காரணமாக விஷம் அருந்தி உயிரிழந்திருப்பது தெரியவந்துள்ளது.
இதையும் படிங்க: மத்திய சிறையில் கைதி தூக்கிட்டுத் தற்கொலை
