சென்னையை அடுத்த புழல் ஏரியில் நேற்று முன்தினம் மீன்பிடித்தபோது தனபால் என்ற மீனவரிடம் பணம் கேட்டு மிரட்டிய 6 பேர் கொண்ட கும்பல், தனபாலை வெட்டி விட்டு அவரிடமிருந்து செல்போன் மற்றும் ஒரு சவரன் நகையை பறித்து கொண்டு சென்றதாக கூறப்படுகிறது.
இச்சம்பவம் குறித்து வழக்குப்பதிவு செய்து விசாரித்து வந்த காவல்துறையினர், வழிப்பறி வழக்கில் தொடர்புடைய 6 பேரை கைது செய்தது. அதில் மூவர் சிறுவர் என்பதால் திருவள்ளூர் நீதிமன்றத்தில் ஆஜர்படுத்தி செங்கல்பட்டு சீர்திருத்த பள்ளிக்கு கொண்டு செல்லப்பட்டனர். மேலும், கணேஷ்குமார் (25), அஜித்குமார் (18) அபினேஷ்(18) ஆகிய மூவரை பொன்னேரி குற்றவியல் நடுவர் நீதிமன்றம் ஆஜர்படுத்தி புழல் சிறையில் காவல்துறையினர் அடைத்தனர்.
