திருவள்ளூர் மாவட்டம், பொன்னேரி தொகுதியை 20 ஆண்டுகளாக அதிமுக கைப்பற்றி வந்தது. இந்த சட்டப்பேரவைத் தேர்தலில் திமுக கூட்டணியில் காங்கிரஸ் வேட்பாளர் துரை சந்திரசேகரன் ஒன்பதாயிரத்து 689 வாக்குகள் வித்தியாசத்தில் வெற்றி பெற்றார்.
அவரை எதிர்த்து போட்டியிட்ட அதிமுக வேட்பாளர் பலராமன் 84 ஆயிரத்து 839 வாக்குகளும், அமமுக வேட்பாளர் பொன் ராஜா 2832 வாக்குகளும், மநீம வேட்பாளர் தேசிங்குராஜா 5 ஆயிரத்து 394 வாக்குகளும், நாதக வேட்பாளர் மகேஸ்வரி 19 ஆயிரத்து 27 வாக்குகளும் பெற்றனர்.
பொன்னேரி தொகுதியில் காலை முதலே அதிமுக - காங்கிரஸ் இடையே போட்டி நிலவிவந்த நிலையில், இறுதியில் காங்கிரஸ் வெற்றி பெற்றது. பின்னர் வெற்றி பெற்ற காங்கிரஸ் வேட்பாளர் துரை சந்திரசேருக்கு அரசு அலுவலர் சான்றிதழ் வழங்கினர்.
