சென்னை கொளத்தூர் ரெட்டேரி சிக்னல் அருகே யூனியன் வங்கி அருகே ஒருவரை நான்கு பேர் கொண்ட கும்பல் வெட்டிவிட்டு தப்பிச்சென்றது. இதில் முகம், தலையில் பலத்த காயம் ஏற்பட்டு சம்பவ இடத்திலே அந்த நபர் உயிரிழந்தார்.
இது குறித்து தகவல் அறிந்து சம்பவ இடத்திற்கு வந்த ராஜமங்கலம் காவல் துறையினர் உடலைக் கைப்பற்றி கீழ்ப்பாக்கம் மருத்துவனைக்கு உடற்கூறாய்வுக்காக அனுப்பிவைத்தனர்.
முதற்கட்ட விசாரணையில், கொலையானவர் தாம்பரம் அடுத்த சிட்லபாக்கம் வேங்கைவாசல் பகுதியைச் சேர்ந்த ஆட்டோ ஓட்டுநர் அன்வர் பாட்ஷா (31) என்பது தெரியவந்தது.
மேலும், இரவு பதினொரு மணியளவில் ரெட்டேரி சிக்னல் அருகே செங்குன்றம் சாலை, பள்ளி சாலை (ஸ்கூல் ரோடு) சந்திப்பில் உள்ள யூனியன் வங்கி அருகே ஆட்டோவை நிறுத்திவிட்டு தனது தாய் மெகபூபா, தான் தொடர்புவைத்திருந்த லட்சுமி என்பவருடன் அன்வர் பாட்ஷா ஆட்டோவில் அமர்ந்து பேசிக்கொண்டிருந்தார். அப்போது, லட்சுமியின் மகன் அஜித், இரண்டு பேர் சேர்ந்து அன்வரை வெட்டினர் என்பது தெரியவந்துள்ளது.
இதையும் படிங்க:
