திருவள்ளூர் மாவட்டம், பொன்னேரி பகுதிக்குட்பட்ட கோளூர் கிராமத்தில் சட்டவிரோதமாகவும், கரோனா ஊரடங்கு கட்டுப்பாட்டு விதிகளை மீறியும், மது விற்பனை நடந்து வருவதாக காவல் துறையினருக்குத் தகவல் கிடைத்தது.
இதையடுத்து சம்பவ இடத்திற்கு விரைந்த காவல் துறையினர், சட்டவிரோதமாக மது விற்பனை செய்த கும்மிடிப்பூண்டி சமுத்திரம் பகுதியைச் சேர்ந்த மணிகண்டன் என்பவரை கைது செய்தனர். மேலும் அவரிடமிருந்த 7 பெட்டிகள் மதுபாட்டில்களையும் பறிமுதல் செய்தனர். இச்சம்பவம் குறித்து வழக்குப்பதிவு செய்த காவல் துறையினர் விசாரணை நடத்தி வருகின்றனர்.
