திருநெல்வேலி டவுன் பகுதியில் தேர்தல் பறக்கும் படையினர் வாகன சோதனையில் ஈடுபட்டனர். அப்போது அந்த வழியே வந்த வாகனம் ஒன்றை வழிமறித்து சோதனை மேற்கொண்டபோது, சட்டவிரோதமாக மதுபாட்டில்கள் கடத்திச்சென்றது தெரியவந்தது.
காரில் இருந்த 82 மதுபாட்டில்களை பறிமுதல் செய்த அலுவலர்கள் காரில் இருந்தவரிடம் விசாரணை மேற்கொண்டதில், ஆலங்குளம் அடுத்த மருதம்புத்தூரைச் சேர்ந்த சுரேஷ் என்பதும், பெங்களூருவில் வேலை செய்துவரும் இவர் சொந்த ஊரில் நடக்கும் உறவினர் வீட்டு திருமணத்திற்கு மதுபாட்டில்களை வாங்கிச் சென்றது தெரியவந்தது.
மேலும் நான்கு லிட்டர் மதுபானம் மட்டுமே கொண்டு செல்லமுடியும் என்றும், கைப்பற்றப்பட்ட மது 15 லிட்டருக்கு மேல் இருப்பதால், அதனை பறக்கும் அலுவலர்கள் பறிமுதல் செய்து மதுவிலக்கு காவல் துறையினரிடம் ஒப்படைத்தனர்.
