நெல்லை பாஜக பிரமுகர் கொலை வழக்கில் திமுக நிர்வாகி சரண்டர்; அரசியல் நெருக்கடி காரணமா?-அண்ணாமலை பேட்டி!

நெல்லை பாஜக பிரமுகர் ஜெகன் கொலை வழக்கில் திமுக பிரமுகர் பிரபு அரசியல் அழுத்தம் காரணமாக காவல் நிலையத்தில் சரணடைந்துள்ளார் என பாஜக மாநிலத் தலைவர் அண்ணாமலை செய்தியாளர்களுக்கு பேட்டியளித்துள்ளார்.

• திருநெல்வேலி வடக்கு மாவட்ட @BJP4Tamilnadu இளைஞரணி பொதுச் செயலாளர், சகோதரர் ஜெகன் பாண்டியன் அவர்கள், சமூக விரோதிகளால் வெட்டிக் கொலை செய்யப்பட்டுள்ளார் என்ற செய்தி அறிந்து மிகுந்த அதிர்ச்சியடைந்தேன். அவரது குடும்பத்தினருக்கு, ஆழ்ந்த இரங்கல்களைத் தெரிவித்துக் கொள்கிறேன். சகோதரர்… pic.twitter.com/L4r9rvF9ek

  — K.Annamalai (@annamalai_k) August 31, 2023 " class="align-text-top noRightClick twitterSection" data="

  திருநெல்வேலி வடக்கு மாவட்ட @BJP4Tamilnadu இளைஞரணி பொதுச் செயலாளர், சகோதரர் ஜெகன் பாண்டியன் அவர்கள், சமூக விரோதிகளால் வெட்டிக் கொலை செய்யப்பட்டுள்ளார் என்ற செய்தி அறிந்து மிகுந்த அதிர்ச்சியடைந்தேன். அவரது குடும்பத்தினருக்கு, ஆழ்ந்த இரங்கல்களைத் தெரிவித்துக் கொள்கிறேன். சகோதரர்… pic.twitter.com/L4r9rvF9ek

  — K.Annamalai (@annamalai_k) August 31, 2023

  ">

  திருநெல்வேலி வடக்கு மாவட்ட @BJP4Tamilnadu இளைஞரணி பொதுச் செயலாளர், சகோதரர் ஜெகன் பாண்டியன் அவர்கள், சமூக விரோதிகளால் வெட்டிக் கொலை செய்யப்பட்டுள்ளார் என்ற செய்தி அறிந்து மிகுந்த அதிர்ச்சியடைந்தேன். அவரது குடும்பத்தினருக்கு, ஆழ்ந்த இரங்கல்களைத் தெரிவித்துக் கொள்கிறேன். சகோதரர்… pic.twitter.com/L4r9rvF9ek

  — K.Annamalai (@annamalai_k) August 31, 2023

திருநெல்வெலி: நெல்லை பாளையங்கோட்டை மூளிக்குளம் பகுதியை சேர்ந்தவர் ஜெகன். பாஜக பிரமுகரான இவர் கடந்த 30ம் தேதி வெட்டி படுகொலை செய்யப்பட்டார். இந்த கொலை வழக்கில் முக்கிய குற்றவாளியான மூளிக்குளத்தைச் சேர்ந்த திமுக பிரமுகர் பிரபுவை கைது செய்யக்கோரி, உறவினர்கள் உடலை வாங்க மறுத்து ஐந்து நாட்களாக போராடிய நிலையில் நேற்று (செப்.2) திமுக பிரமுகர் பிரபு காவல் நிலையத்தில் சரணடைந்தார்.

இதையடுத்து இன்று பாளையங்கோட்டை அரசு மருத்துவமனையில் வைக்கப்பட்டிருந்த ஜெகனின் உடலை உறவினர்கள் பெற்றுக் கொண்டனர். முன்னதாக, நெல்லை வந்த பாஜக மாநிலத் தலைவர் அண்ணாமலை மருத்துவமனையில் வைத்து ஜெகன் குடும்பத்தினரைச் சந்தித்து ஆறுதல் கூறி, ஜெகனின் உடலுக்கு மரியாதை செலுத்தினார்.

அதைத்தொடர்ந்து இன்று அண்ணாமலை செய்தியாளர்களைச் சந்தித்து பேசுகையில், ‘ஜெகன் சமூக விரோதிகளால் கொல்லப்பட்டதில் முக்கிய குற்றவாளியான திமுக பிரமுகரை கைது செய்யாமல் உடலை வாங்க மாட்டோம் என்று உறவினர்கள் போராடி வந்த நிலையில், திமுக பிரமுகர் பிரபு சரணடைந்துள்ளார். அப்பகுதியில் பாஜகவை வளர்த்தார் என்ற ஒரே காரணத்துக்காக கூலிப்படையை வைத்து ஜெகனை கொலை செய்துள்ளனர் எனவும், திமுக பிரமுகர் மீது ஏற்கனவே 16 கொலை வழக்குகள் உள்பட மொத்தம் 96 வழக்குகள் இருப்பதாக சொல்கிறார்கள் எனவும், அவரது தாய்க்கு வீடு கட்டி கொடுப்பதாக உறுதி கொடுத்துள்ளேன் எனவும், அது பாஜக கடமை என்றார்.

மேலும், பல்லடத்தில் பாஜக கிளை தலைவர் மோகன்ராஜா படுகொலை செய்யப்பட்டுள்ளார். இதைத்தொடர்ந்து பல்லடத்தில் வீட்டின் முன் மது அருந்த வேண்டாமென கூறியதால் ஒரே குடும்பத்தைச் சேர்ந்த நான்கு பேரும் வெட்டி கொல்லப்பட்டுள்ளனர். தமிழகத்தில் கூலிப்படை கலாச்சாரம் தலைதூக்கியுள்ளது எனவும், கடந்த ஒரு மாதத்தில் தென் தமிழகத்தில் 21 வன்முறை கொலைகள் நடந்துள்ளது என்றார்.

மேலும், குடி, கஞ்சா புழக்கம் அதிகமாகி விட்டது எனவும், திமுக பிரமுகர் பிரபு மீது 16 கொலை வழக்கு இருக்கிறது என்றால் அந்த தைரியம் எங்கே இருந்து வந்தது? ஒரு குற்றவாளி குற்றம் செய்தால் சமுதாயம் விடாது என்ற பயம் வேண்டும் எனவும், கொலை செய்வதற்கு சாராயம், மது, கஞ்சா இவையெல்லாம் கூடுதல் காரணமாக அமைகிறது என்றார்.

தென் தமிழகத்தில் வன்முறையை தடுக்க வளர்ச்சியை கொண்டு வர வேண்டும் எனவும், இளைஞர்களுக்கு வேலைவாய்ப்பு வழங்க வேண்டும் எனவும், ஒரே காவல்துறை பல வேலையை செய்கின்றனர். எனவே சட்டம் ஒழுங்கு, கிரைம் என காவல்துறையை இரண்டாக பிரிக்க வேண்டும் என்றார். அரசியல் அழுத்தம் காரணமாகவே குற்றவாளி தப்பித்து வந்தனர். காவல்துறை கையை கட்டிக்கொண்டு செயல்படவில்லை என்று எப்படி கூற முடியும்? அவர்களை சுதந்திரமாக செயல்பட அனுமதிக்க வேண்டும் என்றார்.

அதே அரசியல் அழுத்தம் காரணமாக தற்போது குற்றவாளி கைதாகியுள்ளார். இது பாஜகவுக்கு கிடைத்த வெற்றி எனவும், நெல்லையில் புதிய தலைமுறை ஒளிப்பதிவாளர் சங்கர் சந்திராயன் 3 தொடர்பான செய்தி சேகரிக்க சென்று திரும்பியபோது விபத்தில் சிக்கி உயிரிழந்தார். அவருக்கு எனது ஆழ்ந்த இரங்கலை தெரிவித்துக் கொள்கிறேன் அவரது குழந்தைக்கு தேவையான கல்வி உதவி செய்ய பாஜக தயாராக உள்ளது’ என்று தெரிவித்தார்.

இதையும் படிங்க:அரசு விழாவில் பெண் தற்கொலை முயற்சி.. கந்துவட்டி கொடுமையா காரணம்?