‘அரசு ஊழியர்களின் கோரிக்கைகளை நிறைவேற்ற முதலமைச்சரிடம் வலியுறுத்துவேன்’ - ராமதாஸ்

தேனி: அரசு ஊழியர்கள், ஆசிரியர்களின் கோரிக்கைகளை நிறைவேற்ற முதலமைச்சரிடம் வலியுறுத்துவேன் என பாமக நிறுவனர் ராமதாஸ் பெரியகுளத்தில் நடைபெற்ற தேர்தல் பரப்புரை கூட்டத்தில் பேசியுள்ளார்.

பெரியகுளம் பிரச்சார கூட்டத்தில் பாமக நிறுவனர் ராமதாஸ் பேச்சு

Published : Mar 30, 2019, 11:53 AM IST

தேனி மாவட்டம் பெரியகுளத்தில் அதிமுக தலைமையிலான கூட்டணி கட்சிகளின் தேர்தல் பரப்புரை பொதுக்கூட்டம் வெள்ளிக்கிழமை நடைபெற்றது.

பெரியகுளம் சௌராஸ்டிரா சத்திரம் அருகே நடைபெற்ற இக்கூட்டத்தில் தேனி பாராளுமன்ற தொகுதி வேட்பாளர் ரவீந்திரநாத்குமார், ஆண்டிபட்டி மற்றும் பெரியகுளம் சட்டப்பேரவை தொகுதி வேட்பாளர்கள் லோகிராஜன், மயில்வேல் ஆகியோரை ஆதரித்து பாமக நிறுவனர் ராமதாஸ் பரப்புரை மேற்கொண்டார்.

இதையடுத்து கூட்டத்தில் பேசிய அவர்,

தேனி மக்களவைத் தொகுதி அதிமுக வேட்பாளர் ரவீந்திரநாத்குமார் வெற்றி பெறுவது உறுதி. துணை முதலமைச்சரின் செல்லப்பிள்ளைக்கு வாக்கு சேகரிக்க இங்கு வந்துள்ளேன். சொல்லின் செல்வர் என்று அழைக்கப்படும் ஈ.வி.கே.சம்பத்தின் மகன் இளங்கோவன்தான் தேனி தொகுதி காங்கிரஸ் வேட்பாளர்.

திமுகவின் ஐம்பெரும் தலைவர்களில் ஒருவரான ஈ.வி.கே. சம்பத், திமுகவை விட்டு சென்றதற்கு காரணம் கலைஞர்தான். காங்கிரஸ் மற்றும் திமுக தமிழகத்துக்கு துரோகம் இழைத்திருக்கிறது.இந்த தேர்தலில் இளங்கோவன் டெபாசிட் கூட வாங்க மாட்டார். அதிமுக வேட்பாளர் ரவீந்திரநாத்குமார்தான் வெற்றி பெறுவார்.

மேலும், பாஜக தலைமையிலான தேசிய ஜனநாயக கூட்டணி 350 இடங்களில் வெற்றி பெறும், காங்கிரஸ் தலைமையிலான கூட்டணி 120 தொகுதிகளைதான் பிடிக்கும் என்று கருத்துக்கணிப்புகள் தெரிவிப்பதாக அவர் கூறினார்.

தொடர்ந்து பேசிய அவர், அரசு ஊழியர்கள், ஆசிரியர்களின் தேவைகளை ஆளுங்கட்சிதான் பூர்த்தி செய்யும் என்பதை நினைவில் வைத்து கொள்ளுங்கள். எதிர் கட்சிகளால் ஏதும் செய்ய இயலாது.

முதலமைச்சர், துணை முதலமைச்சரிடம் உங்களது கோரிக்கைகள் தொடர்பாக வலியுறுத்தி அதனை நிறைவேற்ற நான் அவர்களிடம் வலியுறுத்துவேன். எனவே, அதிமுக தலைமையிலான கூட்டணிக்கு வாக்களியுங்கள், என்றார்.

இதையடுத்து கூட்டத்தில் பேசிய அவர்,

Intro: அரசு ஊழியர்கள், ஆசிரியர்களுக்கு பாமக தலைவர் ராமதாஸ் வேண்டுகோள், உங்களது கோரிக்கைகளை நிறைவேற்ற முதல்வரிடம் வலியுறுத்துவதாக உறுதி.

Body: தேனி மாவட்டம் பெரியகுளத்தில் இன்று அதிமுக தலைமையிலான கூட்டணி கட்சிகளின் தேர்தல் பிரச்சாரம் பொதுக்கூட்டம் நடைபெற்றது. பெரியகுளம் சௌராஸ்டிரா சத்திரம் அருகே நடைபெற்ற இக்கூட்டத்தில் தேனி பாராளுமன்ற தொகுதி வேட்பாளர் ரவீந்திரநாத்குமார், ஆண்டிபட்டி மற்றும் பெரியகுளம் சட்ட மன்ற தொகுதி வேட்பாளர்கள் லோகிராஜன், மயில்வேல் ஆகியோரை ஆதரித்து பாமக நிறுவனர் ராமதாஸ் வாக்கு சேகரித்தார்.
இக்கூட்டத்தில் பேசிய அவர், தேனி பாராளுமன்ற தொகுதி அதிமுக வேட்பாளர் ரவீந்திரநாத்குமார் வெற்றி பெறுவது உறுதி, துணை முதல்வரின் செல்லப்பிள்ளைக்கு வாக்கு சேகரிக்க இங்கு வந்துள்ளேன்.
சொல்லின் செல்வர் என்றழைக்கப்படும் ஈவிகே சம்பத்தின் மகன் தான் தேனி தொகுதி காங்கிரஸ் வேட்பாளர் இளங்கோவன். திமுகவின் ஐம்பெரும் தலைவர்களில் ஒருவரான ஈவிகே சம்பத் திமுக வை விட்டு சென்றதற்கு காரணம் கலைஞர் தான். அவர் திமுகவில் இருந்து விலகி காங்கிரஸில் இணைந்தது தவறு.
காங்கிரஸ் மற்றும் திமுக கட்சிகள் தமிழகத்திற்கு துரோகம் இழைத்தது. இந்த தேர்தலில் இளங்கோவன் டெபாசிட் கூட வாங்க மாட்டார், அதிமுக வேட்பாளர் ரவீந்திரநாத்குமாருக்குத் தான் வெற்றி என்றார்.
மேலும் பாஜக தலைமையிலான தேசிய ஜனநாயக கூட்டணி 350 இடங்களில் வெற்றி பெறும், காங்கிரஸ் தலைமையிலான கூட்டணி 120 தொகுதிகளைத் தான் பிடிக்கும் என்று கருத்துக்கணிப்புகள் தெரிவிப்பதாக கூறினார். இதில் காங்கிரஸ் கட்சியின் நிலைமை தான் பாவம். மீண்டும் இந்தியாவை ஆளப்போவது மோடி தான் என்றார்.
முதல்வர் எடப்பாடி தலைமையிலான அரசு சிறப்பாக செயல்படுவதாகவும், மக்கள் நலனில் அக்கறை கொண்டு ஆட்சி செய்வதாகக் கூறினார். தேர்தல் முடியும் வரை வாக்களர்கள் கைகளை மடக்கி இருக்குமாறு கேட்டு கொண்டார். ஏனென்றால் காங்கிரஸின் சின்னம் கை என்பதால் கைகளை மூடிக்கொள்ளுங்கள் என்றார்.
மேலும் தாய்மார்களின் சின்னம் இரட்டை இலை என்பதால் இரட்டை இலைக்கு வாக்களியுங்கள் என்று வாக்கு சேகரித்தார்.
தொடர்ந்து பேசிய அவர், அரசு ஊழியர்கள், ஆசிரியர்கள் நினைவில் வைத்து கொள்ளுங்கள், உங்களது தேவைகளை ஆளுங்கட்சி தான் பூர்த்தி செய்யும். எதிர் கட்சிகளால் ஏதும் செய்ய இயலாது, முதல்வர், துணை முதல்வரிடம் வலியுறுத்தி ஊங்களது கோரிக்கைகளை நிறைவேற்றித்தர நான் அவர்களிடம் வலியுறுத்துவேன், எனவே அதிமுக தலைமையிலான கூட்டணிக்கு வாக்களியுங்கள் என்றார்

Conclusion: இந்த கூட்டத்தில், வனத்துறை அமைச்சர் திண்டுக்கல் சீனிவாசன், முன்னாள் அமைச்சர் நத்தம் விஸ்வநாதன், கம்பம் எம்.எல்.ஏ ஜக்கையன் மற்றும் அதிமுக அதன் கூட்டணி கட்சியினர் உட்பட பலர் கலந்து கொண்டனர்.

For All Latest Updates