கும்பக்கரை அருவியில் குளிக்க தடை- வனத்துறை அறிவிப்பு

மேற்கு தொடர்ச்சி மலைப்பகுதியில் நேற்று பெய்த தொடர் கனமழையால் கும்பக்கரை அருவியில் வெள்ளப்பெருக்கு ஏற்பட்டுள்ளது. இதனால் சுற்றுலா பயணிகள் குளிக்க தடை விதிக்கப்பட்டுள்ளது.

தேனி:தேனி மாவட்டம் பெரியகுளம் அருகே கும்பக்கரை அருவியின் நீர்பிடிப்பு பகுதிகளான கொடைக்கானல், வட்டகணல் மற்றும் மேற்கு தொடர்ச்சி மலை உள்ளிட்ட பகுதிகளில் கடந்த சில தினங்களாக அவ்வப்போது மழை பெய்து வருகிறது.

இந்நிலையில் கும்பக்கரை அருவிக்கு சற்று நீர் வரத்து அதிகரித்து காணப்பட்டது. இதனையடுத்து நேற்று(ஜூலை 27) பிற்பகல் 4 மணி முதல் நள்ளிரவு வரை அருவியின் நீர் பிடிப்பு பகுதிகளில் பலத்த மழை பெய்தது. இதன் காரணமாக அருவிக்கு நீர்வரத்து மேலும் அதிகரித்து வெள்ளப்பெருக்கு ஏற்பட்டது.

இதனால் பாதுகாப்பு கருதி அருவியில் சுற்றுலா பயணிகள் குளிக்கவும், அருவிக்கு செல்லவும் தடை விதிப்பதாக தேவதானப்பட்டி வனச்சரக அதிகாரி டேவிட் ராஜ் அறிவித்துள்ளார்.

இதையும் படிங்க:குற்றால அருவியில் வெள்ளப்பெருக்கு: இருவர் உயிரிழப்பு, ஒருவர் மீட்பு