வீடியோ வைரல்; குட்டித் தூக்கம் போட்ட யானை நண்பர்கள்!

இரண்டு காட்டு யானைகள் நீர்நிலையில் படுத்துத் தூங்கும் காணொலி காட்சிகள் வைரலாகிவருகின்றன.

உதகமண்டலம் : முதுமலை புலிகள் காப்பக வனப் பகுதியில் 2 ஆண் காட்டுயானைகள் மனிதர்களை போல் படுத்து உறங்கும் அரிய காட்சி வெளியாகி அனைவரையும் வியப்படைய செய்துள்ளது.
நீலகிரி மாவட்டத்தில் உள்ள முதுமலை புலிகள் காப்பக வனப் பகுதி தொடர், சமீபத்தில் பெய்துவரும் மழை காரணமாக பச்சை பசுமையாக காட்சி அளிக்கிறது.

விலங்குகள் கூட்டம்- ஒற்றை ஆண் யானை

இதனால் யானைகள், மான்கள், காட்டெருமைகள் உள்ளிட்ட வன விலங்குகள் கூட்டம் கூட்டமாக இடம்பெயர்ந்து வரத் தொடங்கி உள்ளன.
குறிப்பாக யானைகள் அதிக எண்ணிக்கையில் வந்துள்ள நிலையில் ஒற்றை ஆண் யானைகள் மசினகுடி, சிங்காரா, சீகூர் வனபகுதிகளில் சுதந்திரமாக சுற்றி வருகின்றன.

குட்டித் தூக்கம்

இந்த ஆண் யானைகள் அடிக்கடி நட்பாக பழகி வரும் நிலையில் 30 வயது மதிக்கதக்க ஒரு ஆண் காட்டு யானையும், 10 வயது மதிக்கதக்க மற்றொரு ஆண் காட்டு யானையும் சீகூர் ஆற்றில் படுத்து தூங்கும் அரிய காட்சி தற்போது வெளியாகி உள்ளது.

அதில் அந்த 2 ஆண் யானைகளும் மனிதர்களை போல உறங்குகின்றன. அப்போது அந்த வழியாக சில வன விலங்குகள் வருவதை உணர்ந்த அந்த 2 யானைகள் அங்கிருந்து எழுந்து ஓடுகின்றன.

இந்தக் காட்சிகளை பலரும் வியப்புடன் பார்த்து ரசிக்கின்றனர்.

இதையும் படிங்க : கோயில் யானை பராமரிப்பு: தமிழ்நாடு அரசு பதிலளிக்க உத்தரவு