தமிழ்நாட்டில் சுற்றுலா மாவட்டமான நீலகிரி மாவட்டத்தில் சீசன் மட்டுமின்றி அனைத்து நாள்களிலும் சுற்றுலாப் பயணிகள் வருகை தருகின்றனர். அவ்வாறு உதகை வரும் சுற்றுலாப் பயணிகள் முதுமலை புலிகள் சாரணயத்திற்கு சென்று வனவிலங்குகளைக் காண ஆர்வம் காட்டுவார்கள்.
கடந்த சில நாள்களாக மழை பெய்துவருவதால் முதுமலையைச் சுற்றியுள்ள வனப்பகுதிகள் பசுமையாகக் காட்சியளிக்கின்றன. பசுமையை ரசிக்கவும், வனவிலங்குகளை காணவும் முதுமலைக்கு சுற்றுலா பயணிகள் வந்தவண்ணம் உள்ளனர். இதனால் புலிகள் காப்பகத்திற்கு வரும் சுற்றுலாப் பயணிகளை வனத்துறை வாகனத்தில் வனப்பகுதிக்குள் அழைத்துச்சென்று வருகின்றனர்.
இந்நிலையில், முதுமலை புலிகள் காப்பகத்தில் வனத்துறை வாகனத்தில் சென்ற சுற்றுலாப் பயணிகள் ஒரு புலியை கண்டனர். எந்தவொரு ஆக்ரோஷமின்றி ராஜநடைபோட்டபடி புலி சென்றதை சுற்றுலாப் பயணிகள் ஆசைதீர கண்டுரசித்தனர். மேலும் புலியை புகைப்படம் எடுத்தும் மகிழச்சியடைந்தனர்.
இதையும் படிங்க:
