கோவை மேட்டுப்பாளையத்திலிருந்து, நீலகிரி மாவட்டம் குன்னூர் வரையில், பாரம்பரிய நீராவி இன்ஜின் மூலம் மலை ரயில் இயக்கப்பட்டு வருகிறது. இந்த மலை ரயிலில் பயணிக்க சுற்றுலாப் பயணிகள் அதிகம் ஆர்வம் காட்டி வருகின்றனர். இதேபோல், ஊட்டி-குன்னூர் இடையே இயக்கப்படும் மலை ரயிலில் உள்ளூர் மக்கள் அதிக அளவில் பயணித்து வருகின்றனர்.
இதுவரையிலும் குறைந்த கட்டணமாக ரூபாய் 35 வசூலிக்கப்பட்டு வந்தது. தற்போது குன்னூர் - ஊட்டி இடையே மலை ரயில் 85 ரூபாய் என உயர்த்த தெற்கு ரயில்வே முடிவு செய்துள்ளது. குன்னூர் - மேட்டுப்பாளையம் இடையே 150 ரூபாயிலிருந்து 350 ரூபாய் வரை உயர்த்திடவும் தெற்கு ரயில்வே முடிவு செய்துள்ளது.
குன்னூர் - ஊட்டி இடையே இயக்கப்படும் மலை ரயில், முன்பதிவுக்கு மாற்றப்பட்டுள்ளதால் உள்ளூர் பயணிகள் பயணிக்க முடியாத நிலை ஏற்பட்டுள்ளது. மேலும் இந்த கட்டண உயர்வால் சுற்றுலாப் பயணிகள் கடும் அதிருப்தி அடைந்துள்ளனர்.
இதையும் படிங்க: தடையை நீக்கிய வனத்துறை - மகிழ்ச்சியில் சுற்றுலாப் பயணிகள்
