நீலகிாி மாவட்டம் குன்னூரில் தற்போது கோவிட் -19 வைரஸ் தொற்று காரணமாக முக கவசங்கள் தட்டுப்பாடு ஏற்பட்டுள்ளது. இதை பயன்படுத்தி முக கவசங்களை அதிக விலைக்கு விற்பனை செய்யும் மருந்து கடைகள் மீது நடவடிக்கை எடுக்கப்பட்டுவருகிறது.
இந்நிலையில், குன்னூரில் தனியார் நிறுவனம் சாா்பில் முக கவசங்கள், கோவிட் -19 வைரஸ் குறித்து துண்டு பிரசுரங்கள் வழங்கும் நிகழ்ச்சி நடைபெற்றது. இதனை நீலகிரி மாவட்ட காவல் கண்காணிப்பாளா் சசிமோகன் தொடக்கி வைத்து பொதுமக்களுக்கு முக கவசங்கள், விழிப்புணர்வு துண்டு பிரசுரங்கள் வழங்கினார்.
இதைத்தொடர்ந்து, செய்தியாளர்களிடம் மாவட்ட கண்காணிப்பாளர் சசிமோகன் பேசுகையில், "நீலகிரி மாவட்டத்தில் எல்லையிலுள்ள 11 சோதனை சாவடிகளிலும் வெளிமாநில வாகனங்களுக்கு தடை விதிக்கப்பட்டுள்ளது. அத்தியாவசிய பொருட்கள் கொண்டு செல்லும் வாகனங்களுக்கு அனுமதி அளிக்கப்பட்டுள்ளது. அரசு பேருந்தில் வரும் பயணிகளையும் சோதனை செய்த பிறகே உள்ளே அனுமதிக்கிறோம்” என்றார்.
இதையும் படிங்க: இத பாத்தா கரோனாவே மிரண்டுரும்; அலறவிடும் கோவையன்ஸின் அசாதாரண கண்டுபிடிப்பு!
