தனித்தீவில் இருப்பதுபோல் உணர்கிறோம் - இ-பாஸ் குறித்து வேதனைத் தெரிவிக்கும் நீலகிரி மக்கள்!

நீலகிரி : தமிழ்நாடு முழுவதும் இ-பாஸ் ரத்து செய்யப்பட்டும், நீலகிரியில் மட்டும் தளர்வு அளிக்கப்படாமல் இருப்பதால் தனித்தீவில் இருப்பது போன்று உணர்வதாக அம்மாவட்ட மக்கள் தெரிவித்துள்ளனர்.

தமிழ்நாட்டில் இ-பாஸ் முறை ரத்து செய்யப்பட்டுள்ள நிலையில், நீலகிரி மாவட்டத்தில் மட்டும் இ-பாஸ் முறை கடைபிடிக்கப்படும் என்று அம்மாவட்ட ஆட்சியர் இன்னொசன்ட் திவ்யா தெரிவித்துள்ளார்.

”சுற்றுலாத் தலங்கள் திறக்கப்படாது. வெளியூரில் இருந்து வரும் சுற்றுலாப் பயணிகள் வர தடை விதிக்கப்படுகிறது. அவசர, அவசிய வேலை காரணங்களுக்காக பிற மாவட்டங்களிலிருந்து நீலகிரி வருவோருக்கு இ-பாஸ் வழங்கப்படுகிறது. கரோனா பரவலைக் கட்டுப்படுத்தவே இந்த நடவடிக்கை” எனவும் அவர் தெரிவித்துள்ளார்.