உதகையில் பிஎஸ்என்எல் ஊழியர்கள் வேலைநிறுத்தப் போராட்டம்

உதகை: ஒப்பந்தத் தொழிலாளர்களுக்கு வழங்கப்படவேண்டிய சம்பள பாக்கி வழங்கக்கோரி பிஎஸ்என்எல் ஊழியர்கள் மூன்றாவது நாளாக வேலைநிறுத்தப் போராட்டத்தில் ஈடுபட்டுள்ளனர்.

குன்னூர் பிஎஸ்என்எல் தலைமை அலுவலகத்தில் கடந்த ஒன்பது மாதங்களாக நூற்றுக்கும் மேற்பட்ட ஒப்பந்த தொழிலாளர்களுக்கு ஒரு கோடியே 50 லட்சம் ரூபாய் சம்பள பாக்கியை வழங்காமல் இழுத்தடித்து வருவதாக கடந்த மூன்று நாட்களாக ஊழியர்கள் வேலை நிறுத்தப் போராட்டத்தில் ஈடுபட்டுள்ளனர்.

இதன் காரணமாக பிஎஸ்என்எல் வாடிக்கையாளர்களுக்கான தொலைத் தொடர்பு பாதிக்கப்படும் அபாயம் ஏற்பட்டுள்ளது. எனவே, வேலை நிறுத்தப் போராட்டத்தைக் கைவிட அரசு ஊழியர்களின் சம்பள நிலுவைத் தொகையை உடனடியாக வழங்கவேண்டுமென பிஎஸ்என்எல் ஊழியர்கள் கோரிக்கை விடுத்துள்ளனர்.

இதையும் படிக்க: எனக்காக அம்பாள் எழுந்து வருவாள்... பாம்பு கடி வாங்கிய பக்தரின் வினோத நம்பிக்கை!