சுற்றுச்சூழல் தினத்தையொட்டி விழிப்புணர்வு நிகழ்ச்சி: மாணவர்கள் பங்கேற்பு!

நீலகிரி:  சுற்றுச்சூழல் தினத்தை முன்னிட்டு  உதகையில் நடத்தப்பட்ட விழிப்புணர்வு நிகழ்ச்சியில் பள்ளி மாணவர்கள் ஆர்வமுடன் பங்கேற்றனர்.

சர்வதேச சுற்றுச்சூழல் தினம் ஆண்டுதோறும் ஜூன் 5ஆம் தேதி கடைப்பிடிக்கப்பட்டுவருகிறது. இந்த தினத்தில், சுற்றுச்சூழலை பாதுகாப்பதன் அவசியம் குறித்து பொதுமக்களுக்கும், மாணவ மாணவிகளுக்கு உலகம் முழுவதும் விழிப்புணர்வை ஏற்படுத்திவருகின்றனர்.

இந்நிலையில், மாவட்டத்திலுள்ள சுற்றுச் சூழலைப் பாதுகாப்பதன் அவசியம் குறித்து உதகையில் உள்ள சிஎஸ்ஐ பள்ளியில் விழிப்புணர்வு நிகழ்ச்சி நடைபெற்றது.

இதில், இயற்கை ஆர்வலர்கள் கலந்துகொண்டு பள்ளி மாணவ மாணவிகளுக்கு இயற்கையை மாசுபடுத்தாமல் எவ்வாறு பாதுகாப்பது என அறிவுறுத்தினர். பள்ளி மாணவர்கள் விழிப்புணர்வு வசனங்கள் அடங்கி பதாகைகளைக் கையில் ஏந்தியவாறு பங்கேற்றனர்.