மயிலாடுதுறை நாடாளுமன்ற தொகுதி திமுக வேட்பாளர் திருவிடைமருதூர் செ. ராமலிங்கம் இன்று தன் தொகுதிக்கு வருகை தந்தார். பழைய பேருந்து நிலையம் அருகே உள்ள அண்ணா சிலைக்கு மாலை அணிவித்து அவர் தேர்தல் அலுவலகத்தை திறந்து வைத்தார்.
பின்னர் செய்தியாளர்களுக்குப் பேட்டி அளித்த போது, பூம்புகார் தரங்கம்பாடி சுற்றுலாத்தளம் மேம்படுத்தப்படும் என்றும், கலைஞரின் நீண்ட நாள் ஆசையான பூம்புகாரில் மரைன் இன்ஜினியரிங் கல்லூரி கொண்டுவருவதற்கு முயற்சி செய்வேன் எனவும் கூறினார்.
காவிரி டெல்டா மாவட்டத்தில் ஹைட்ரோ கார்பன் மீத்தேன் எடுக்கும் திட்டத்தை தடுத்து நிறுத்த பாராளுமன்றத்தில் தொடர்ந்து குரல் கொடுக்கப்போவதாகவும் அவர் உறுதியளித்தார்.
