கஜா புயலின் கோரத்தாண்டவத்தால் பலர் தங்களது வீடுகளை இழந்தனர். அப்படி வீடிழந்த எளிய மனிதர்களுக்கு வீடுகள் கட்டித்தருவதாக நடிகர் ராகவா லாரன்ஸ் அறிவித்திருந்தார்.
அதன்படி, முதற்கட்டமாக ஆலங்குடியைச் சேர்ந்த சமூக சேவகர் கணேசன் என்பவருக்கு, கடந்த வாரம், வீடு கட்டிக் கொடுத்து கிரகப்பிரவேசமும் செய்துவைத்து, வீட்டின் திறவுகோலை அந்த நபரிடம் ஒப்படைத்தார்.
இதைத்தொடர்ந்து, தற்போது தஞ்சாவூரில் உள்ள கரிசைக்காடு கிராமத்தில் வாழ்ந்துவரும் செல்லகுஞ்சி என்னும் பாட்டிக்கு வீடு கட்டிக் கொடுத்துள்ளார் நடிகர் ராகவா லாரன்ஸ்.
