தஞ்சாவூர் மருத்துவக் கல்லூரி மருத்துவமனையில் நவீன சிகிச்சைப் பிரிவுகளை மக்கள் நல்வாழ்வு மற்றும் குடும்ப நலத் துறை அமைச்சர் சி. விஜய பாஸ்கர், வேளாண்மைத் துறை அமைச்சர் இரா. துரைக்கண்ணு, மாநிலங்களவை உறுப்பினர் ஆர். வைத்திலிங்கம் ஆகியோர் இணைந்து திறந்து வைத்தனர்.
மாவட்ட ஆட்சித் தலைவர் ஆ. அண்ணாதுரை தலைமை வகித்த இந்நிகழ்ச்சியில், விபத்து மற்றும் அறுவை சிகிச்சைப் பிரிவு, முடநீக்கியல் நவீன அறுவை சிகிச்சை அரங்கு, அதிநவீன அறுவை சிகிச்சை அரங்குகள், அதிநவீன கிருமி நீக்கம் வழங்கல் பிரிவு, அதிநவீன பன்னோக்கு உயர் சிறப்பு தீவிரச் சிகிச்சைப் பிரிவு, இருதய சிகிச்சைப் பிரிவு, கதிர்வீச்சுத் துறை சிகிச்சைப் பிரிவு உள்ளிட்டவைகள் புதிதாக திறந்து வைக்கப்பட்டன.
இதில், பட்டுக்கோட்டை சட்டப்பேரவை உறுப்பினர் சி.வி. சேகர், தஞ்சாவூர் மத்திய கூட்டுறவு வங்கித் தலைவர் துரை. திருஞானம் , முன்னாள் மாநகராட்சி மேயர் சாவித்திரி கோபால், நிக்கல்சன் கூட்டுறவு வங்கி துணைத் தலைவர் சரவணன், மொத்த கூட்டுறவு பண்டகசாலை தலைவர் ய. பண்டரிநாதன், தஞ்சாவூர் மருத்துவக் கல்லூரி முதல்வர் குமுதா லிங்கராஜ் உள்ளிட்ட பலரும் கலந்துகொண்டனர்.
இதையும் படியுங்க :
