கரோனா வைரஸ் பரவல் காரணமாக நாடெங்கிலும் ஊரடங்கு பிறப்பிக்கப்பட்டுள்ளது. அதுமட்டுமல்லாமல் நாள்தோறும் கரோனா வைரஸ் பாதிக்கப்பட்டவர்களின் எண்ணிக்கை அதிகரித்துக் கொண்டேவருகிறது. இருந்தும் பலர் அதிலிருந்து குணமாகி வீடு திரும்பிவருகின்றனர். அதன்படி தஞ்சாவூர் மாவட்டத்தில் 55 பேர் கரோனா வைரஸ் பாதிப்பு உறுதிசெய்யப்பட்டு, மாவட்ட அரசு மருத்துவமனையில் சிகிச்சைப் பெற்றுவருகின்றனர்.
அவர்களில் 8 பேர் சில நாள்களுக்கு முன்பு குணமடைந்து வீட்டுக்கு அனுப்பிவைக்கப்பட்டனர். அதைத்தொடர்ந்து நேற்று கும்பகோணம், அதிராம்பட்டினம், நெய்வாசல் ஆகிய பகுதிகளைச் சேர்ந்த ஆறு பெண்கள் உள்பட 10 பேர் கரோனா வைரசிலிருந்து குணமடைந்தனர்.
அதனால் அவர்கள் அனைவரையும் மாவட்ட ஆட்சியர் கோவிந்தராவ், மருத்துவக் கல்லூரி முதல்வர் குமுதா லிங்கராஜ் இருவரும் பழங்கள், விடுவிப்புச் சான்றிதழ் வழங்கி வீட்டிற்கு அனுப்பிவைத்தனர். மேலும் அவர்களுக்கு சுய தனிமைப்படுத்தல் குறித்த ஆலோசனைகள் வழங்கப்பட்டுள்ளன.
இதையும் படிங்க: கரோனா பாதித்தவர்களை ஒதுக்காமல் இயல்பாக நடத்துங்கள்!
